កាលពីថ្ងៃ19 ខែវិច្ឆិកា ឆ្នាំ2025 អ៊ុយក្រែនបានជួបប្រទះការវាយប្រហារកម្រិតធ្ងន់មួយទៀត នៅពេលដែលដ្រូននិងមីស៊ីលរបស់រុស្ស៊ីបានវាយលើទីក្រុង Ternopil នៅភាគខាងលិចប្រទេស។ ការវាយប្រហារនេះបានសម្លាប់ យ៉ាងហោចណាស់ 25 នាក់និងរបួសជិត១០០នាក់។
ប្រភពពីសារព័ត៌មានAl Jazeera។
អ្នកជួយសង្គ្រោះបានចូលធ្វើការយ៉ាងរហ័សនៅកន្លែងអគារអាផាតមិនដែលរងគ្រោះ បន្ទាប់ពីរងការវាយប្រហារដោយមីស៊ីលរបស់រុស្ស៊ីនៅព្រឹកថ្ងៃពុធ។
ទីក្រុងTernopil និងទីក្រុងសំខាន់នៅភាគខាងលិច មិនធ្លាប់ជួបការវាយប្រហារដ៏ធ្ងន់បែបនេះចាប់តាំងពីរុស្ស៊ីបានបើកការឈ្លានពាននៅឆ្នាំ 2022 មក។ ការវាយប្រហារចុងក្រោយនេះត្រូវបានចាត់ទុកថា ជាអំពើហឹង្សា ធ្ងន់ធ្ងរ និងធ្វើឱ្យមានការភ័យស្លន់ស្លោចំពោះប្រជាជនក្នុងតំបន់ដែលខ្លួនគិតថាមានសុវត្ថិភាពជាងតំបន់ខ្សែសមរភូមិ៕