កាលពីថ្ងៃទី19 ខែវិច្ឆិកា ឆ្នាំ2025 រដ្ឋាភិបាលប៉ូឡូញបានប្រកាសបិទ ស្ថានកុងស៊ុលរុស្ស៊ីចុងក្រោយនៅទីក្រុង Gdansk បន្ទាប់ពីមានការបំផ្លិចបំផ្លាញលើផ្លូវដែកមួយដែលភ្ជាប់ពីវ៉ារស្សាវ៉ា ទៅកាន់ព្រំដែនអ៊ុយក្រែន។ ប៉ូឡូញបានប្រកាន់ថា ទីក្រុងមូស្គូពាក់ព័ន្ធក្នុងសកម្មភាពអាក្រក់នេះ ខណៈដែលរុស្ស៊ីបដិសេ និងចោទប្រកាន់វិញថាប៉ូឡូញ រើសអើងជាតិសាសន៍រុស្ស៊ី។
ប្រភពពីសារព័ត៌មានAl Jazeera។
រដ្ឋមន្ត្រីការបរទេសប៉ូឡូញ Radoslaw Sikorski បានប្រកាសថា ប្រទេសបានបិទស្ថានកុងស៊ុលរុស្ស៊ីនៅ Gdansk ដោយបញ្ជាក់ថា ប៉ូឡូញបានព្រមានជាច្រើនដងពីមុនឲ្យរុស្ស៊ីបញ្ឈប់សកម្មភាពអរិភាពប្រឆាំងនឹងប៉ូឡូញ។
ការបិទនេះមានន័យថា ស្ថានទូតរុស្ស៊ីនៅវ៉ារសូវីតែប៉ុណ្ណោះដែលនឹងនៅសេសសល់ក្នុងប្រទេសប៉ូឡូញ។
ចុងក្រោយ ក្រសួងការបរទេសរុស្ស៊ី តាមរយៈអ្នកនាំពាក្យ Maria Zakharova បានប្រកាសថា មូស្គូនឹងឆ្លើយតបដោយ កាត់បន្ថយវត្តមានកុងស៊ុល និងការទូតរបស់ប៉ូឡូញ នៅក្នុងប្រទេសរុស្ស៊ីផងដែរ។
ការប្រកាសបិទស្ថានកុងស៊ុលមានឡើងបន្ទាប់ពីកើតមាន ការផ្ទុះបំផ្លាញ នៅលើប្រព័ន្ធផ្លូវដែកជិត Deblin ដែលភ្ជាប់ទៅកាន់ព្រំដែនអ៊ុយក្រែន។
នាយករដ្ឋមន្ត្រីប៉ូឡូញ Donald Tusk បានចុះទៅពិនិត្យទីតាំងសព្វថ្ងៃ និងពិពណ៌នាហេតុការណ៍នេះថា ជា “ទង្វើបំផ្លិចបំផ្លាញដែលមិនធ្លាប់មានពីមុនមកដែលប៉ូឡូញមិនអាចទ្រាំទ្រ បានទេ៕