រដ្ឋបាលអាកាសចរណ៍សហព័ន្ធសហរដ្ឋអាមេរិក (FAA) បានព្រមានក្រុមហ៊ុនអាកាសចរណ៍ធំៗអំពីគ្រោះថ្នាក់ដែលអាចកើតមាននៅពេលហោះហើរក្នុងដែនអាកាសវេណេស៊ុយអេឡា ដោយសារតែសកម្មភាពយោធាកើនឡើងចំពេលមានកងកម្លាំងអាមេរិកយ៉ាងច្រើននៅក្នុងតំបន់។
ប្រភពពីសារព័ត៌មានAljazeera។
ការព្រមាន NOTAM (សេចក្តីជូនដំណឹងដល់កងទ័ពអាកាស) របស់ FAA ដែលចេញផ្សាយកាលពីថ្ងៃសុក្របានលើកឡើងពីស្ថានភាពសន្តិសុខកាន់តែអាក្រក់ទៅៗ និងសកម្មភាពយោធាកើនឡើងនៅក្នុង ឬជុំវិញប្រទេសវេណេស៊ុយអេឡាហើយបាននិយាយថា ស្ថានភាពនេះអាចបង្កហានិភ័យដល់យន្តហោះ ទោះបីជាវាបានបញ្ឈប់ការហាមឃាត់ការហោះហើរលើប្រទេសនេះក៏ដោយ។
គួរជម្រាបថា ការព្រមានអំពីដែនអាកាសនេះ បានកើតឡើងនៅពេលដែលទីក្រុងវ៉ាស៊ីនតោន បានដាក់ពង្រាយក្រុមវាយប្រហារនាវាផ្ទុកយន្តហោះទំនើបបំផុតរបស់ខ្លួន នាវាចម្បាំងកងទ័ពជើងទឹកដែលមានកងទ័ពរាប់ពាន់នាក់ ក៏ដូចជាយន្តហោះបំបាំងកាយ F-35 ទៅកាន់តំបន់នេះ ចំពេលមានដែលខ្លួនអះអាងថាជាប្រតិបត្តិការយោធាប្រឆាំងនឹងក្រុមជួញដូរគ្រឿងញៀនអាមេរិកឡាទីន។
យ៉ាងណាមិញ ប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ បានព្រមានថា ទីក្រុងវ៉ាស៊ីនតោនអាចនឹងប្រើប្រាស់ការបង្កើនកម្លាំងយោធា ដើម្បីព្យាយាមដកលោកចេញពីអំណាច ខណៈដែលរដ្ឋបាលលោក ត្រាំ បង្កើនវោហាសាស្ត្ររបស់ខ្លួនប្រឆាំងនឹងទីក្រុងការ៉ាកាស រួមទាំងការចោទប្រកាន់លោក ម៉ាឌូរ៉ូ ពីបទជួញដូរគ្រឿងញៀនផងដែរ៕