មន្ត្រីយោធាចិននិងសហរដ្ឋអាមេរិក បានរៀបចំកិច្ចប្រជុំ ពិគ្រោះយោបល់ផ្នែកសមុទ្រយោធាចិន-សហរដ្ឋអាមេរិក (MMCA) ឆ្នាំ ២០២៥ នៅហាវ៉ៃ នេះបើយោងតាមប្រព័ន្ធផ្សព្វផ្សាយរដ្ឋចិនកាលថ្ងៃសៅរ៍ទី២២ខែវិច្ឆិកា។
ប្រភពពីសារព័ត៌មានAnadolu Agency។
កាសែត China Daily បានរាយការណ៍ថា កិច្ចពិភាក្សាក្រុមការងារជុំទីពីរ និងកិច្ចប្រជុំប្រចាំឆ្នាំរបស់ពួកគេក្រោម MMCA ត្រូវបានធ្វើឡើងនៅថ្ងៃអង្គារ-ថ្ងៃព្រហស្បតិ៍ ដោយដកស្រង់សេចក្តីថ្លែងការណ៍របស់កងទ័ពជើងទឹករំដោះប្រជាជន។
សេចក្តីថ្លែងការណ៍បានបន្ថែមថាភាគីទាំងពីរបានចូលរួមក្នុងការពិភាក្សាដោយស្មោះត្រង់ និងស្ថាបនាលើមូលដ្ឋានស្មើភាព និងគោរពគ្នា។
ក្នុងអំឡុងពេលនៃកិច្ចប្រជុំ មន្ត្រីទាំងនោះបានពិភាក្សាអំពីស្ថានភាពសន្តិសុខដែនសមុទ្រ និងផ្លូវអាកាសបច្ចុប្បន្នរវាងភាគីទាំងពីរ និងបានពិនិត្យឡើងវិញនូវការជួបគ្នានៅសមុទ្រ និងលើអាកាស៕