សហរដ្ឋអាមេរិក និងអ៊ុយក្រែន បានអះអាងថា ពួកគេបានសម្រេចកម្រិតដ៏សំខាន់មួយ លើលក្ខខណ្ឌសន្តិភាព ក្នុងការស្វែងរកវិធីបញ្ចប់សង្គ្រាមរយៈពេលជាងបីឆ្នាំជាមួយរុស្ស៊ី។ ទោះជាយ៉ាងណាក៏ដោយ សំណួរធំៗ និងចំណុចចម្រូងចម្រាស នៅតែបន្តជាឧបសគ្គសម្រាប់ការឈានទៅកាន់កិច្ចព្រមព្រៀងចុងក្រោយ។
ប្រភពពីសារព័ត៌មានReuters នៅថ្ងៃទី 24 ខែវិច្ឆិកា 2025។
មន្ត្រីជាន់ខ្ពស់អាមេរិកម្នាក់បាននិយាយថា ការចរចាក្នុងសប្តាហ៍ចុងក្រោយនេះមានលក្ខណៈស្ថាបនានិងប្រកបដោយការចង់រកដំណោះស្រាយ ។
ខណៈដែលប្រទេសទាំងពីរព្យាយាមកែប្រែផែនការដែលមានជម្លោះខ្លាំងមុននេះ។
ទោះបីជាយ៉ាងណា ពួកគេមិនបានបង្ហាញព័ត៌មានលម្អិតពេញលេញអំពីមាតិកាដែលបានកែសម្រួលឡើយ ដោយព្រោះការចរចានៅតែបន្ត។
ផែនការដើមដែលគាំទ្រដោយសហរដ្ឋអាមេរិក ត្រូវបានរិះគន់យ៉ាងខ្លាំងនៅអ៊ុយក្រែន បន្ទាប់ពីសមាជិកសភាអ៊ុយក្រែនបានបោះពុម្ពផ្សាយចេញជាសាធារណៈ។
ផែនការនោះតម្រូវឱ្យអ៊ុយក្រែនប្រគល់តំបន់ខ្លះៗដែលរុស្ស៊ីកាន់កាប់ កំណត់សមត្ថភាពយោធារបស់ខ្លួន និងលះបង់គម្រោងចូលរួមណាតូ។
ការលេចធ្លាយនេះបានបង្កការខឹងសម្បារនៅគីយេវ និងធ្វើឱ្យមានការតវ៉ាពីប្រជាពលរដ្ឋ ក៏ដូចជាការខ្វះខ្វែងនៅក្នុងរដ្ឋាភិបាលផងដែរ។
អ្នកវិភាគនយោបាយនិយាយថា ទោះបីមានការកែសម្រួលក៏ដោយ ផែនការអាមេរិកនៅតែមើលឃើញថា ពិបាកឲ្យអ៊ុយក្រែនទទួលយក។
អ្នកវិភាគម្នាក់នៅគីយេវបានចង្អុលបង្ហាញបាននិយាយថាការបោះបង់ទឹកដី និងការកំណត់យោធា គឺជាប្រធានបទមិនអាចទទួលស្គាល់បានសម្រាប់មនុស្សជាច្រើន។
គេមិនទាន់ដឹងថា ការចរចាទាំងនេះនឹងនាំទៅរកជំហានជាក់ស្តែងឬទេ។ ប៉ុន្តែការអះអាងពីសហរដ្ឋអាមេរិក និងអ៊ុយក្រែនថា មាន “វឌ្ឍនភាព” បានបញ្ចេញសញ្ញាថា ប្រទេសទាំងពីត្រូវការស្វែងរកផ្លូវចេញពីសង្គ្រាម ដែលបង្កការបាត់បង់ជីវិតជាងរយពាន់នាក់ និងបំផ្លាញមូលដ្ឋានសេដ្ឋកិច្ច និងសង្គមអ៊ុយក្រែន៕