(ភ្នំពេញ)៖ ប្រជាពលរដ្ឋរាប់សិបនាក់មកពីបណ្ដាស្រុក.ខេត្ត.ផ្សេងៗ នៅព្រឹកទី២៤.១១.២០២៥ បាននាំគ្នាផ្ទុះការតវ៉ា នៅមុខសាលាដំបូង រាជធានីភ្នំពេញ ក្នុងខណ្ឌជ្រោយចង្វារ។
ដោយពួកគាត់ ស្រែកដង្ហើយរកយុត្តិធម៌ ថារាប់ឆ្នាំមកហើយពួកខ្លួន ពុំទាន់ទទួលបានយុត្តិធម៌នោះទេ!។
ខណៈអ្នកខ្លះឈ្លោះប្ដីប្រពន្ធក្រុមគ្រួសារធ្វើអត្តឃាតសម្លាប់ខ្លួនក៏មាន ដោយសារ ជំពាក់បំណុលគេ ឬបំណុលធនាគាររ៉ាប់រងលែងរួច..!។
ក្រុមពលរដ្ឋបញ្ជាក់ថា មូលហេតុខ្លួនជំពាក់បំណុលបែបនេះ ក៏ព្រោះតែចាញ់បោក”ក្រុមហ៊ុនពិភពដីមាស”ដែលមានអតីតឧកញ៉ា ហ៉ី គីមហុង ជាអគ្គនាយកក្រុមហ៊ុន។
*យ៉ាងណាក្តីការតវ៉ារបស់ពួកគាត់ ត្រូវបានមន្ត្រីតុលាការ និងអាជ្ញាធរធ្វើការសម្របសម្រួល បន្ថយភាពតានតឹងនិងហាមឃាត់ មិនឱ្យពួកគាត់បិទផ្លូវជាតិលេខ៦។
គួរំលឹកថា អតីតឧកញ៉ា ហ៉ី គីមហុង ម្ចាស់ក្រុមហ៊ុនពិភពដីមាស និងក្រុមអង្គរក្សសរុប១៤នាក់ ត្រូវបានសមត្ថកិច្ចប៉ូលីសឃាត់ខ្លួន កាលពីថ្ងៃទី០៧ ខែសីហា ឆ្នាំ២០២៣។
ពាក់ព័ន្ធករណីបោកប្រាស់ ប្រជាពលរដ្ឋជាអតិថិជនដែលចូលទុនវិនិយោគគម្រោងដីឡូត៍ គិតជាទឹកប្រាក់សរុប ប្រមាណ៦លានដុល្លារ៕
