ប្រទេសចិនបាននិយាយថា ខ្លួននឹងមិនអនុញ្ញាតឱ្យ យោធានិយមជប៉ុនធ្វើការវិលត្រឡប់មកវិញទេ ដោយសង្កត់ធ្ងន់ថា ទីក្រុងប៉េកាំងនឹងធ្វើការជាមួយគ្រប់ភាគីទាំងអស់ដើម្បីគាំទ្រការឯកភាពគ្នាអន្តរជាតិលើគោលការណ៍ចិនតែមួយ នេះបើយោងតាមទីភ្នាក់ងារសារព័ត៌មានស៊ីនហួរដែលគ្រប់គ្រងដោយរដ្ឋ។
ប្រភពពីសារព័ត៌មានAnadolu Agency។
រដ្ឋមន្ត្រីការបរទេស វ៉ាង យី បានមានប្រសាសន៍ក្នុងអំឡុងពេលសន្ទនាជាយុទ្ធសាស្ត្រលើកដំបូងរបស់លោកជាមួយរដ្ឋមន្ត្រីការបរទេសតាជីគីស្ថាន ស៊ីរ៉ូជីឌីន មូរីឌីន កាលពីថ្ងៃសៅរ៍នៅទីក្រុងឌូសានបេថាប្រទេសចិននឹងមិនអនុញ្ញាតឱ្យកងកម្លាំងស្តាំនិយមនៅក្នុងប្រទេសជប៉ុនបង្វែប្រវត្តិសាស្ត្រឡើយ ហើយក៏មិនអនុញ្ញាតឱ្យកងកម្លាំងខាងក្រៅជ្រៀតជ្រែកក្នុងតំបន់តៃវ៉ាន់របស់ប្រទេសចិន ឬអនុញ្ញាតឱ្យយោធានិយមជប៉ុនធ្វើការវិលត្រឡប់មកវិញដែរ។
លោក វ៉ាង បានបន្ថែមថា ទីក្រុងប៉េកាំងនឹងធ្វើការជាមួយគ្រប់ភាគីទាំងអស់ដើម្បីគាំទ្រការឯកភាពគ្នាអន្តរជាតិលើគោលការណ៍ចិនតែមួយ។
ទោះជាយ៉ាងណា ទីក្រុងប៉េកាំងក៏បានពន្យារពេលកិច្ចប្រជុំត្រីភាគីរបស់រដ្ឋមន្ត្រីវប្បធម៌ជាមួយប្រទេសជប៉ុន និងកូរ៉េខាងត្បូងផងដែរ ដែលជាការសម្រេចចិត្តមួយដែលទទួលបានការរិះគន់ពីទីក្រុងតូក្យូ៕