កាលពីថ្ងៃទី២៦ខែវិច្ឆិកា ប្រទេសវេណេស៊ុយអេឡា អំពាវនាវឱ្យក្រុមហ៊ុនអាកាសចរណ៍ដែលបានផ្អាកជើងហោះហើរឲ្យចាប់ផ្តើមប្រតិបត្តិការឡើងវិញ។
ប្រភពពីសារព័ត៌មានAANews។
ក្រសួងដឹកជញ្ជូនវេណេស៊ុយអេឡាបាននិយាយកាលពីថ្ងៃអង្គារថា រយៈពេល ៤៨ ម៉ោងក្រុមហ៊ុនអាកាសចរណ៍អន្តរជាតិដែលបានផ្អាកជើងហោះហើររបស់ពួកគេនឹងផុតកំណត់នៅម៉ោង ១២ ថ្ងៃត្រង់នៅថ្ងៃពុធ នេះបើយោងតាមទីភ្នាក់ងារសារព័ត៌មានអេស្ប៉ាញ EFE។
ក្រសួងបាននិយាយថា ថ្ងៃផុតកំណត់ត្រូវបានជូនដំណឹងក្នុងអំឡុងពេលកិច្ចប្រជុំថ្ងៃច័ន្ទជាមួយតំណាងក្រុមហ៊ុនអាកាសចរណ៍ ហើយក្រុមហ៊ុនដែលមិនចាប់ផ្តើមជើងហោះហើរឡើងវិញក្នុងរយៈពេលនេះនឹងត្រូវដកហូតលិខិតអនុញ្ញាតហោះហើររបស់ពួកគេទៅកាន់ប្រទេសវេណេស៊ុយអេឡា។
គួរជម្រាបថា ចាប់តាំងពីខែកញ្ញាមក យោធាអាមេរិកបានធ្វើការវាយប្រហារចំនួន ២១ លើកលើនាវាដែលខ្លួនអះអាងថាផ្ទុកគ្រឿងញៀន ដោយបានសម្លាប់មនុស្ស ៨៣ នាក់ ដែលនាំឱ្យមានការអះអាងថា ការវាយប្រហារទាំងនោះខុសច្បាប់ ហើយលោក ត្រាំ បានបង្ហាញសញ្ញាថា លោកអាចវាយប្រហារគោលដៅជួញដូរគ្រឿងញៀននៅលើដីនៅក្នុងប្រទេសវេណេស៊ុយអេឡា៕