ទឹកជំនន់ និងការរអិលបាក់ដីបានសម្លាប់មនុស្សជាង ១.១៤០ នាក់នៅទូទាំងប្រទេសឥណ្ឌូនេស៊ី ស្រីលង្កា ថៃនិងម៉ាឡេស៊ី បន្ទាប់ពីព្យុះត្រូពិចក្នុងរយៈពេលប៉ុន្មានថ្ងៃថ្មីៗនេះ។ ប្រភពពីសារព័ត៌មានAljazeera។
ប្រធានាធិបតីឥណ្ឌូនេស៊ីលោក Prabowo បានមានប្រសាសន៍ថា មានភូមិដាច់ស្រយាលជាច្រើនដែលយើងអាចទៅដល់បានដោយបន្ថែមថា រដ្ឋាភិបាលកំពុងដាក់ពង្រាយឧទ្ធម្ភាគចក្រ និងយន្តហោះដើម្បីជួយដល់កិច្ចខិតខំប្រឹងប្រែងសង្គ្រោះ។
ទន្ទឹមនឹងនេះ នៅក្នុងប្រទេសស្រីលង្កា រដ្ឋាភិបាលបានអំពាវនាវរកជំនួយអន្តរជាតិ និងកំពុងប្រើប្រាស់ឧទ្ធម្ភាគចក្រយោធា ដើម្បីទៅដល់ប្រជាជនដែលជាប់គាំងដោយសារទឹកជំនន់ និងការបាក់ដី ដែលបង្កឡើងដោយព្យុះស៊ីក្លូនឌីតវ៉ា។
ដោយឡែក អាជ្ញាធរថៃនៅថ្ងៃចន្ទនេះបាននិយាយថា ចំនួនអ្នកស្លាប់ដោយសារទឹកជំនន់ដែលកំពុងបន្តកើតមាននៅភាគខាងត្បូងនៃប្រទេសបានកើនឡើងដល់យ៉ាងហោចណាស់១៧៦នាក់៕