លោកប្រធានាធិបតីអ៊ុយក្រែន លោកVolodymyr Zelenskyy បានអះអាងថាសមត្ថភាពរបស់រុស្ស៊ីក្នុងការបន្តសង្គ្រាម មិនអាស្រ័យលើពាក្យសម្ដីរបស់លោក Vladimir Putin ទេ ប៉ុន្តែអាស្រ័យលើកម្រិតសម្ពាធពីប្រទេសលោកខាងលិច ជាពិសេសវិធានការទណ្ឌកម្ម និងសម្ពាធការទូត។
ប្រភពពីសារព័ត៌មានAnadolu Agency នៅថ្ងៃទី18 ខែធ្នូឆ្នាំ2025។
ថ្លែងមុនដំណើរទស្សនកិច្ចទៅទីក្រុងព្រុចសែល លោក Zelenskyy បានច្រានចោលសាររបស់លោក Putin អំពីការកាន់កាប់ទឹកដីអ៊ុយក្រែនថា ជាសារដដែលៗ និងមិនបង្ហាញពីចេតនាបញ្ចប់សង្គ្រាមឡើយ។ លោកបានបញ្ជាក់ថា ប្រសិនបើទណ្ឌកម្មត្រូវបានអនុវត្តយ៉ាងមានប្រសិទ្ធភាព សេដ្ឋកិច្ចរុស្ស៊ីនឹងមិនអាចគាំទ្រសង្គ្រាមក្នុងកម្រិតដូចមុនបានទេ។
មេដឹកនាំអ៊ុយក្រែនក៏បានលើកឡើងថា សហរដ្ឋអាមេរិកកំពុងបន្តសន្ទុះការទូត ដើម្បីជំរុញការបញ្ចប់សង្គ្រាម ទោះបីជានៅមានការមិនយល់ស្របលើបញ្ហាសំខាន់ៗ ដូចជា ទឹកដី ហិរញ្ញប្បទាន និងការបង្កកទ្រព្យសម្បត្តិក៏ដោយ។ លោកបានព្រមានថា ប្រសិនបើរុស្ស៊ីបង្ហាញភាពមិនស្មោះត្រង់ក្នុងការទូត សម្ពាធអន្តរជាតិនឹងត្រូវបានបង្កើនបន្ថែម៕