មេដឹកនាំក្រុមឧទ្ទាមហ៊ូធី នៅប្រទេសយេម៉ែន បានព្រមានថា វត្តមានអ៊ីស្រាអែលណាមួយនៅក្នុង សូម៉ាលីឡែន នឹងត្រូវបានចាត់ទុកជាគោលដៅយោធា បន្ទាប់ពីអ៊ីស្រាអែលប្រកាសទទួលស្គាល់តំបន់បំបែកខ្លួននេះជាផ្លូវការ កាលពីថ្ងៃទី 28 ខែធ្នូ ឆ្នាំ 2025។
ប្រភពពីសារព័ត៌មានAl Jazeera។
នៅក្នុងសេចក្តីថ្លែងការណ៍មួយដែលផ្សព្វផ្សាយតាមប្រព័ន្ធផ្សព្វផ្សាយរបស់ក្រុមឧទ្ទាម ហ៊ូធីបានអះអាងថា ការទទួលស្គាល់សូម៉ាលីឡែនគឺជា «ជំហរ អរិភាព» ដែលបង្កគ្រោះថ្នាក់ដល់ប្រទេសសូម៉ាលី និងយេម៉ែន ព្រមទាំងគំរាមកំហែងដល់សន្តិសុខតំបន់សមុទ្រក្រហម និងឈូងសមុទ្រអាដិន។
សូម៉ាលីឡែន ដែលបានប្រកាសបំបែកខ្លួនពីសូម៉ាលីតាំងពីឆ្នាំ 1991 មានទីតាំងយុទ្ធសាស្ត្រសំខាន់នៅតំបន់ឆ្នេរសមុទ្រ និងមានរដ្ឋបាល កងទ័ព និងរូបិយប័ណ្ណផ្ទាល់ខ្លួន ប៉ុន្តែមិនទទួលបានការទទួលស្គាល់អន្តរជាតិទូលំទូលាយឡើយ។ អ្នកវិភាគក្នុងតំបន់បានលើកឡើងថា ការផ្សះផ្សារបស់អ៊ីស្រាអែលជាមួយសូម៉ាលីឡែន អាចផ្តល់ឱ្យអ៊ីស្រាអែលនូវអត្ថប្រយោជន៍យុទ្ធសាស្ត្រនៅសមុទ្រក្រហម និងបង្កើនសម្ពាធលើក្រុមហ៊ូធី៕