ទីក្រុងគៀវបានបដិសេធយ៉ាងតឹងរឹងចំពោះការអះអាងរបស់រុស្ស៊ីថា កងកម្លាំងអ៊ុយក្រែនបានប្រើដ្រូនវាយប្រហារលើលំនៅដ្ឋានរបស់ប្រធានាធិបតីរុស្ស៊ី វ្ល៉ាឌីមៀរ ពូទីន នៅតំបន់ Novgorod ភាគពាយ័ព្យនៃប្រទេសរុស្ស៊ី។
ប្រភពពីសារព័ត៌មានAl Jazeera នៅថ្ងៃទី៣០ខែធ្នូ។
រដ្ឋមន្ត្រីការបរទេសរុស្ស៊ី លោក Sergey Lavrov អះអាងថាដ្រូនចម្ងាយឆ្ងាយចំនួន 91 គ្រឿងត្រូវបានប្រើក្នុងការវាយប្រហារ ប៉ុន្តែត្រូវបានប្រព័ន្ធការពារដែនអាកាសបាញ់ទម្លាក់ ហើយមិនមានអ្នករងរបួសឡើយ។ ការអះអាងនេះត្រូវបានលើកឡើងភ្លាមៗបន្ទាប់ពីការចរចារវាងប្រធានាធិបតីអាមេរិក លោក Donald Trump និងប្រធានាធិបតីអ៊ុយក្រែន លោក Volodymyr Zelenskyy ស្តីពីការបញ្ចប់សង្គ្រាម។
លោក Zelenskyy និងរដ្ឋមន្ត្រីការបរទេសអ៊ុយក្រែន លោក Andrii Sybiha បានចោទប្រកាន់រុស្ស៊ីថា កំពុងព្យាយាមបង្កើតលេស ដើម្បីរារាំង និងធ្វើឱ្យខូចដំណើរការចរចាសន្តិភាព៕