ប្រធានាធិបតីអាមេរិក លោកDonald Trump បានប្រកាសថា សហរដ្ឋអាមេរិកបានធ្វើការវាយប្រហារយោធា លើទឹកដីវេណេស៊ុយអេឡា ជាលើកដំបូង។
ដោយកំណត់គោលដៅលើកំពង់ផែមួយដែលត្រូវបានចោទប្រកាន់ថា ត្រូវបានប្រើសម្រាប់ផ្ទុកទូកដឹកគ្រឿងញៀន។ ទោះជាយ៉ាងណា អាជ្ញាធរវេណេស៊ុយអេឡាមិនទាន់បញ្ជាក់ពីឧប្បត្តិហេតុនេះនៅឡើយទេ។
ប្រភពពីសារព័ត៌មានAl Jazeera កាលពីថ្ងៃទី៣០ខែធ្នូ។
ភាពតានតឹងរវាងទីក្រុងវ៉ាស៊ីនតោន និងការ៉ាកាស បានកើនឡើងខ្លាំងចាប់តាំងពីខែកញ្ញា បន្ទាប់ពីសហរដ្ឋអាមេរិកចាប់ផ្តើមវាយប្រហារលើនាវាវេណេស៊ុយអេឡាជាបន្តបន្ទាប់ ដោយអះអាងថាពាក់ព័ន្ធនឹងការជួញដូរគ្រឿងញៀន។
ទោះមានការវាយប្រហារលើទូកជាច្រើនគ្រឿង និងការស្លាប់មនុស្សរាប់សិបនាក់ ក៏មិនទាន់មានភស្តុតាងសាធារណៈបញ្ជាក់ពីការជួញដូរគ្រឿងញៀននោះទេ៕