ប្រធានាធិបតីតួកគី លោក Tayyip Erdogan បានរិះគន់យ៉ាងខ្លាំងចំពោះការសម្រេចចិត្តរបស់អ៊ីស្រាអែលក្នុងការទទួលស្គាល់តំបន់Somaliland ដោយថ្លែងថា វាជារឿងមិនអាចទទួលយកបាន និងខុសច្បាប់។ លោកបានបញ្ជាក់ថា សកម្មភាពនេះរំលោភលើអធិបតេយ្យភាព និងបូរណភាពទឹកដីរបស់សូម៉ាលី និងផ្ទុយនឹងច្បាប់អន្តរជាតិ។
ប្រភពពីសារព័ត៌មានReuters។
លោក Erdogan ថ្លែងពាក្យនេះក្នុងពិធីមួយនៅទីក្រុងអ៊ីស្តង់ប៊ុល ដោយអះអាងថា តួកគីគាំទ្រយ៉ាងមុតមាំចំពោះឯកភាព និងអធិបតេយ្យភាពរបស់សូម៉ាលី ហើយអំពាវនាវឱ្យសហគមន៍អន្តរជាតិទប់ស្កាត់ការបង្កើតភាពតានតឹងថ្មីនៅតំបន់អាហ្វ្រិកកើត៕