ទឹកជំនន់ភ្លាមៗនៅតំបន់ជាច្រើននៃប្រទេសអាហ្វហ្គានីស្ថានសម្លាប់មនុស្សយ៉ាងហោចណាស់ ១៧ នាក់ និងរបួស ១១ នាក់ទៀត តាមការបញ្ជាក់របស់អាជ្ញាធរ។
ប្រភពពីសារព័ត៌មានAl Jazeera នៅថ្ងៃទី២ខែមករាឆ្នាំ២០២៦។
អាជ្ញាធរគ្រប់គ្រងគ្រោះមហន្តរាយជាតិអាហ្វហ្គានីស្ថាន (ANDMA) បានឲ្យដឹងថា ទឹកជំនន់បានបំផ្លាញហេដ្ឋារចនាសម្ព័ន្ធ សម្លាប់សត្វពាហនៈ និងប៉ះពាល់ដល់គ្រួសារប្រហែល ១,៨០០ គ្រួសារ នៅតំបន់កណ្តាល ខាងជើង ខាងត្បូង និងខាងលិច។ ក្រុមវាយតម្លៃត្រូវបានបញ្ជូនទៅតំបន់រងផលប៉ះពាល់ ដើម្បីកំណត់តម្រូវការជំនួយបន្ថែម ខណៈស្ថានភាពនៅសហគមន៍ងាយរងគ្រោះកាន់តែធ្ងន់ធ្ងរ៕