ការចាប់ដៃគ្នាដោយមិននឹកស្មានដល់ រវាងរដ្ឋមន្ត្រីការបរទេសឥណ្ឌា លោក Subrahmanyam Jaishankar និងប្រធានរដ្ឋសភាប៉ាគីស្ថាន លោក Sardar Ayaz Sadiq នៅទីក្រុងដាកា បានបង្កឱ្យមានការជជែកវែកញែកថ្មី អំពីអនាគតទំនាក់ទំនងរវាងប្រទេសជិតខាងទាំងពីរ។
ប្រភពពីសារព័ត៌មានAl Jazeera នៅថ្ងៃទី២ ខែមករា ឆ្នាំ២០២៦។
ព្រឹត្តិការណ៍នេះ កើតឡើងនៅថ្ងៃ៣១ ធ្នូ ២០២៥ ខណៈមេដឹកនាំតំបន់ជាច្រើនបានមកចូលរួមពិធីបុណ្យសពអតីតនាយករដ្ឋមន្ត្រីបង់ក្លាដែស លោកស្រី Khaleda Zia។
នៅក្នុងបន្ទប់រង់ចាំសភាបង់ក្លាដែស លោក Jaishankar បានដើរចូលទៅចាប់ដៃជាមួយលោក Sadiq នៅមុខអ្នកការទូតអាស៊ីខាងត្បូងជាច្រើននាក់។
លោក Sadiq បានពិពណ៌នាថា ការចាប់ដៃនេះធ្វើឡើងដោយស្នាមញញឹម និងការយល់ដឹងច្បាស់លាស់ពីបរិបទនយោបាយ។
ទោះជាយ៉ាងណា អ្នកវិភាគជាច្រើនព្រមានថា វាជាសញ្ញាសាមញ្ញផ្នែកការទូត មិនមែនជាការចាប់ផ្តើមការសន្ទនាផ្លូវការឡើងវិញភ្លាមៗទេ ខណៈភាពតានតឹងជុំវិញតំបន់កាស្មៀរ និងបញ្ហាសន្តិសុខនៅតែបន្ត៕