នៅថ្ងៃ០៤ ខែមករា ឆ្នាំ២០២៦ នាយករដ្ឋមន្រ្តីម៉ាឡេស៊ី លោកអាន់វ៉ា អ៊ីប្រាហ៊ីម បានថ្កោលទោសយ៉ាងខ្លាំង ចំពោះប្រតិបត្តការយោធាសហរដ្ឋអាម៉េរិក ធ្វើការចាប់ខ្លួនលោក នីកូឡាស ម៉ាឌូរ៉ូ និងភរិយា កាលពីពាក់កណ្ដាលយប់ថ្ងៃ៣មករា ដោយចាត់ទុកសកម្មភាពនេះជាការរំលោភបំពានច្បាប់អន្តរជាតិយ៉ាងធ្ងន់ធ្ងរ នៅក្នុងដែនអធិបតេយ្យរបស់រដ្ឋមួយ។ លោកអំពាវនាវឱ្យមានការដោះស្រាយក្នុងតុចរចារ ប្រកបដោយសន្តិវិធីរវាងភាគីទាំងពីរ ដោយទុកសិទ្ធិសម្រេចជោគវាសនាប្រទេសដល់ពលរដ្ឋវេណេស៊ុយអេឡាដែលជាម្ចាស់ប្រទេសវិញ ជាជាងការអន្តរាគមន៍ដោយប្រតិបត្តការយោធាពីរដ្ឋបរទេសដទៃ។
តាមការបង្ហោះដដែល លោកអាន់វ៉ា អ៊ីប្រាហ៊ីម បានអំពាវនាវឱ្យអាមេរិកធ្វើការដោះលែងលោកនីកូឡាស ម៉ាឌូរ៉ូ និងភរិយាជាបន្ទាន់ ដោយសង្កត់ធ្ងន់ថាវាគឺជាគម្រូដែលមិនល្អ និងមានគ្រោះថ្នាក់បំផុតដែលអាចបំផ្លាញសណ្ដាប់ធ្នាប់ពិភពលោក និងប៉ះពាល់ដល់ពលរដ្ឋវេណេស៊ុយអេឡាដែលកំពុងតែរងគ្រោះស្រាប់៕