ប្រធានាធិបតីសហរដ្ឋអាមេរិក លោក Donald Trump បានប្រកាសថា ប្រទេសវេណេស៊ុយអេឡា នឹងប្រគល់ប្រេងចន្លោះពី 30 ដល់ 50 លានបារ៉ែល ដល់សហរដ្ឋអាមេរិក បន្ទាប់ពីការហាមឃាត់ការនាំចេញប្រេង។ ប្រភពពីសារព័ត៌មានAl Jazeera នៅថ្ងៃទី៧ខែមករាឆ្នាំ២០២៦។
លោកបានអះអាងថា ប្រេងនេះនឹងត្រូវលក់តាមតម្លៃទីផ្សារ ហើយប្រាក់ចំណូលនឹងស្ថិតក្រោមការគ្រប់គ្រងរបស់លោក ដើម្បីប្រើប្រាស់ឲ្យមានអត្ថប្រយោជន៍ទាំងប្រជាជនវេណេស៊ុយអេឡា និងសហរដ្ឋអាមេរិក។
លោក Trump បានណែនាំឲ្យរដ្ឋមន្ត្រីថាមពល អនុវត្តផែនការនេះភ្លាមៗ ដោយដឹកប្រេងតាមកប៉ាល់ទៅកាន់កំពង់ផែសហរដ្ឋអាមេរិក។ លោកក៏បានអះអាងថា ក្រុមហ៊ុនប្រេងអាមេរិកត្រៀមវិនិយោគរាប់ពាន់លានដុល្លារ ដើម្បីស្ដារឡើងវិញវិស័យថាមពលវេណេស៊ុយអេឡា៕