ការវាយប្រហាររបស់សហរដ្ឋអាមេរិកលើប្រទេសវេណេស៊ុយអេឡា និងការចាប់ពង្រត់ប្រធានាធិបតី Nicolas Maduro បានបង្កការភ័យខ្លាចនៅតំបន់អាមេរិកឡាទីន អំពីការវិលត្រឡប់មកវិញនៃការជ្រៀតជ្រែករបស់សហរដ្ឋអាមេរិក។ ពិសេសនៅប្រទេសម៉ិកស៊ិកមានការព្រួយបារម្ភខ្លាំងដោយសារខ្លួនជាប្រទេសជិតខាង និងជាសម្ព័ន្ធមិត្តយូរអង្វែងរបស់សហរដ្ឋអាមេរិក។
ប្រភពពីសារព័ត៌មានAl Jazeera នៅថ្ងៃទី៧ខែមករាឆ្នាំ២០២៦។
ប្រធានាធិបតីម៉ិកស៊ិក លោកស្រី Claudia Sheinbaum បានខិតខំការពារអធិបតេយ្យភាពជាតិ ខណៈបន្តសហការជាមួយសហរដ្ឋអាមេរិកលើបញ្ហាសន្តិសុខ និងការប្រយុទ្ធប្រឆាំងគ្រឿងញៀន។ ទោះជាយ៉ាងណា លោក Donald Trump បានបង្ហាញសញ្ញាគំរាមថា អាចមានការវាយប្រហារយោធាលើទឹកដីម៉ិកស៊ិក ដោយអះអាងថា ក្រុមជួញដូរគ្រឿងញៀនកំពុងគ្រប់គ្រងប្រទេស ដែលការប្រកាសនេះបានបង្កការរិះគន់ និងការព្រួយបារម្ភយ៉ាងខ្លាំងពីសហគមន៍អន្តរជាតិ៕