ប្រធានាធិបតីសហរដ្ឋអាមេរិក លោក Donald Trump បាននិយាយថា សហរដ្ឋអាមេរិកនឹងធ្វើអ្វីមួយជាមួយកោះ Greenland មិនថាតាមវិធីងាយស្រួល ឬវិធីលំបាកទេ ខណៈលោកអះអាងថា ការគ្រប់គ្រងកោះអាកទិកនេះមានសារៈសំខាន់សម្រាប់សន្តិសុខជាតិអាមេរិក។
ប្រភពពីសារព័ត៌មានCNA នៅថ្ងៃទី១០ខែមករាឆ្នាំ២០២៦។
លោក Trump បានឲ្យដឹងថា ការកើនឡើងសកម្មភាពយោធារបស់រុស្ស៊ី និងចិននៅតំបន់អាកទិក គឺជាហានិភ័យដែលសហរដ្ឋអាមេរិកមិនអាចមើលរំលងបាន។
ក្នុងកិច្ចប្រជុំមួយនៅសេតវិមាន លោក Trump បានបដិសេធអធិបតេយ្យភាពរបស់ដាណឺម៉ាកលើ Greenland ហើយអះអាងថា សហរដ្ឋអាមេរិកមិនអនុញ្ញាតឲ្យរុស្ស៊ី ឬចិន កាន់កាប់កោះនេះឡើយ។ ទោះជាយ៉ាងណា គ្មានភស្តុតាងណាបង្ហាញថា ប្រទេសទាំងពីរទាមទារសិទ្ធិកាន់កាប់ Greenland ដោយផ្ទាល់នោះទេ៕
គួរបញ្ជាក់ថា សហរដ្ឋអាមេរិកមានមូលដ្ឋានយោធារួចហើយនៅ Greenland ហើយរដ្ឋមន្ត្រីការបរទេសអាមេរិក លោក Marco Rubio គ្រោងជួបជាមួយមន្ត្រីដាណឺម៉ាក និងតំណាង Greenland នៅសប្តាហ៍ក្រោយ ដើម្បីពិភាក្សាបញ្ហានេះ៕