បុគ្គលិកនៅមន្ទីរពេទ្យនានា ក្នុងប្រទេសអ៊ីរ៉ង់បាននិយាយថា មន្ទីរពេទ្យរបស់ពួកគេពោរពេញដោយអ្នករងរបួស រួមទាំងអ្នកដែលរងរបួស ដោយសារគ្រាប់កាំភ្លើង។ ខណៈដែលការតវ៉ាប្រឆាំង រដ្ឋាភិបាលកំពុងផ្ទុះឡើងនៅទូទាំងសាធារណរដ្ឋអ៊ីស្លាម នេះបើយោងតាមរបាយការណ៍មួយ។
Fox news។
វេជ្ជបណ្ឌិតម្នាក់ មកពីមន្ទីរពេទ្យ Farabi ក្នុងទីក្រុងតេអេរ៉ង់ ដែលជាមជ្ឈមណ្ឌលឯកទេសភ្នែកសំខាន់របស់ទីក្រុង បានប្រាប់ BBC កាលពីថ្ងៃសុក្រថា មជ្ឈមណ្ឌលនេះ បានចូលទៅក្នុងស្ថានភាពវិបត្តិ។
ដោយសេវាកម្មសង្គ្រោះបន្ទាន់ ត្រូវបានរារាំង និងការចូលសម្រាកព្យាបាលដែលមិនមែនជាបន្ទាន់ត្រូវបានផ្អាក។
វេជ្ជបណ្ឌិតម្នាក់មកពីមន្ទីរពេទ្យមួយ ក្នុងទីក្រុង Shiraz ក៏បានប្រាប់បណ្តាញព័ត៌មានផងដែរថា អ្នករងរបួសមួយចំនួនធំកំពុងត្រូវបាននាំយកមក ទោះបីជាមន្ទីរពេទ្យមិនមានគ្រូពេទ្យវះកាត់គ្រប់គ្រាន់ ដើម្បីព្យាបាលពួកគេក៏ដោយ។
លោកបន្ថែមថា អ្នករងរបួសជាច្រើននាក់មានរបួសដោយសារគ្រាប់កាំភ្លើងនៅក្បាលនិងភ្នែក នេះបើយោងតាម BBC។
គិតត្រឹមថ្ងៃសៅរ៍ ចំនួនអ្នកស្លាប់នៅក្នុងការតវ៉ាបានកើនឡើង ដល់យ៉ាងហោចណាស់ ៧២នាក់ ដោយមានអ្នករងរបួសជាង២.៣០០នាក់ផ្សេងទៀត ត្រូវបានឃុំខ្លួន នេះបើយោងតាមទីភ្នាក់ងារព័ត៌មាន សកម្មជនសិទ្ធិមនុស្សដែលមានមូលដ្ឋាននៅសហរដ្ឋអាមេរិក៕