លោក ដូណាល់ ត្រាំ ប្រធានាធិបតីអាមេរិក បានប្រកាសនៅ(ថ្ងៃទី១២ខែមករា)ថា សហរដ្ឋអាមេរិក នឹងយកកោះហ្គ្រីនឡែន (Greenland) ទោះតាមវិធីណាក៏ដោយ។
លោកត្រាំ ព្រមានថា ប្រសិនបើទីក្រុងវ៉ាស៊ីនតោន មិនធ្វើសកម្មភាពទេ នោះរុស្ស៊ី និងចិននឹង ចូលកាន់កាប់ មិនខានឡើយ។
សារព័ត៌មាន Reuters។
លោក ត្រាំ សង្កត់ធ្ងន់ថា ការគ្រប់គ្រងដែនដីដាណឺម៉ាក ដ៏សម្បូរធនធានរ៉ែមួយនេះ មានសារៈសំខាន់បំផុតសម្រាប់សន្តិសុខជាតិអាមេរិក ចំពោះមុខសកម្មភាពយោធាកើនឡើងនៅតំបន់អាក់ទិក។
លោកបានថ្លែងថា បើមិនមែនយើងទេ រុស្ស៊ី ឬចិននឹងយក ហើយខ្ញុំនឹងមិនបណ្តោយឱ្យរឿងនោះកើតឡើង។
លោកថែមទាំង បានចំអកឱ្យប្រព័ន្ធការពាររបស់ហ្គ្រីនឡែនថាមានត្រឹមតែ រទេះឆ្កែអូសពីរ ប៉ុណ្ណោះ ខណៈដែលរុស្ស៊ី និងចិនមាននាវាពិឃាត និងនាវាមុជទឹកពាសពេញ។
នាយករដ្ឋមន្ត្រីដាណឺម៉ាក បានព្រមានថា ការប្រើកម្លាំង នឹងបំផ្លាញទំនាក់ទំនងសន្តិសុខ ៨០ឆ្នាំ៕