លោក ត្រាំ នៅថ្ងៃទី១៤ ខែមករា បាននិយាយថា កោះ Greenland គឺសំខាន់សម្រាប់ការដាក់ពង្រាយប្រព័ន្ធការពារដែនអាកាស និងមីស៊ីល “Golden Dome” ដែលលោកកំពុងគ្រោងអនុវត្ត.!។
តាមរយៈការបង្ហោះនៅលើបណ្តាញសង្គម លោក ត្រាំ បញ្ជាក់ថា អង្គការណាតូ (NATO) នឹងកាន់តែមានភាពរឹងមាំ ប្រសិនបើដែនដី Greenland ស្ថិតក្រោមការគ្រប់គ្រងរបស់សហរដ្ឋអាមេរិក។
លោកត្រាំ សរសេរថា៖ ប្រសិនបើយើងមិនធ្វើទេ រុស្ស៊ី ឬចិននឹងធ្វើ ហើយរឿងនោះមិនអាចអនុញ្ញាតឱ្យកើតឡើងបានទេ។
នៅថ្ងៃពុធដដែលនេះ រដ្ឋមន្ត្រីការបរទេសដាណឺម៉ាក លោក Lars Lokke Rasmussen និងសមភាគីមកពី Greenland គ្រោងនឹងធ្វើកិច្ចចរចានៅទីក្រុងវ៉ាស៊ីនតោន ជាមួយរដ្ឋមន្ត្រីការបរទេសអាម៉េរិក លោក Marco Rubio និងអនុប្រធានាធិបតី លោក JD Vance។
លោក ត្រាំ និយាយកាលពីថ្ងៃសុក្រថា លោកមានបំណងចង់ បានកោះ Greenland ទោះបីជាពួកគេចូលចិត្ត ឬមិនចូលចិត្តក៏ដោយ ហើយបានព្រមានថា ប្រសិនបើយើងមិនអាចធ្វើវាតាមវិធីងាយស្រួលបានទេ៕