លោកស្រី គីម យ៉ូជុង ប្អូនស្រីបស់មេដឹកនាំកូរ៉េខាងជើង គីម ជុងអ៊ុន បានប្រកាសថា មិនមានឱកាសណាមួយសម្រាប់ការកែលម្អទំនាក់ទំនងជាមួយកូរ៉េខាងត្បូងឡើយ ដោយបដិសេធការអះអាងពីទីក្រុងសេអ៊ូលថា ព្យុងយ៉ាងនៅតែបើកចំហចំពោះការទំនាក់ទំនងបន្ថែមទៀត។
ប្រភពពីសារព័ត៌មានAl Jazeera នៅថ្ងៃទី១៤ខែមករាឆ្នាំ២០២៦។
ក្នុងសេចក្តីថ្លែងការណ៍មួយផ្សាយដោយប្រព័ន្ធផ្សព្វផ្សាយរដ្ឋកូរ៉េខាងជើង លោកស្រី គីម បានរិះគន់កូរ៉េខាងត្បូងថា បានប្រព្រឹត្ត ការញុះញង់យ៉ាងធ្ងន់ធ្ងរនិងរំលោភលើអធិបតេយ្យភាពកូរ៉េខាងជើង តាមរយៈការចោទប្រកាន់ថាបានបញ្ជូនដ្រូនឆ្លងកាត់ព្រំដែននៅខែកញ្ញា និងខែមករានេះ។
លោកស្រីបានបញ្ជាក់ថា ការរំពឹងទុករបស់កូរ៉េខាងត្បូងអំពី ការជួសជុលទំនាក់ទំនងគឺជាក្តីសុបិនមិនអាចក្លាយជាការពិតបាន ហើយបានបញ្ជាក់ពីជំហររឹងមាំរបស់ព្យុងយ៉ាងក្នុងការប្រឈមមុខនឹងសេអ៊ូល ចំពេលភាពតានតឹងនៅលើឧបទ្វីបកូរ៉េបន្តកើនឡើង៕