ក្រុមអ្នកជួយសង្គ្រោះឥណ្ឌូនេស៊ីបានរកឃើញសាកសពមនុស្សម្នាក់ និងបំណែកយន្តហោះ នៅតំបន់ភ្នំ Bulusaraung លើកោះ Sulawesi ខណៈកំពុងបន្តប្រតិបត្តិការស្វែងរកមនុស្ស ១១ នាក់ទៀតនៅលើយន្តហោះមួយដែលគេជឿថាបានធ្លាក់កាលពីថ្ងៃសៅរ៍ ចំពេលអាកាសធាតុមានពពក។
ប្រភពពីសារព័ត៌មានAp នៅថ្ងៃទី១៨ខែមករា។
សាកសពបុរសម្នាក់ត្រូវបានរកឃើញក្នុងជ្រោះជម្រៅប្រហែល ២០០ ម៉ែត្រ នៅជិតបំណែកយន្តហោះដែលរាយប៉ាយ។ មន្ត្រីជួយសង្គ្រោះបានបញ្ជាក់ថា ការជម្លៀសសាកសពកំពុងដំណើរការ ខណៈក្រុមស្វែងរកក៏បានរកឃើញបំណែកយន្តហោះបន្ថែម រួមមានផ្នែកស៊ុម និងកៅអីអ្នកដំណើរ និងម៉ាស៊ីនយន្តហោះ។
សាកសពមិនទាន់ត្រូវបានកំណត់អត្តសញ្ញាណនៅឡើយទេ ប៉ុន្តែគេជឿថា ជាសមាជិកលើយន្តហោះ ATR 42-500 ដែលកំពុងហោះហើរពីទីក្រុង Yogyakarta ទៅកាន់ Makassar។ យន្តហោះនេះបានបាត់ពីរ៉ាដា បន្ទាប់ពីត្រូវបានណែនាំឱ្យកែតម្រូវការចុះចត។
សូមបញ្ជាក់ថា យន្តហោះបានដឹកសមាជិកនាវិក ៨ នាក់ និងអ្នកដំណើរ ៣ នាក់ ដែលជាមន្ត្រីក្រសួងកិច្ចការសមុទ្រ និងនេសាទ ក្នុងបេសកកម្មឃ្លាំមើលផ្លូវសមុទ្រតាមអាកាស៕