កាលពីថ្ងៃអាទិត្យទី១៨ ខែមករាឆ្នាំ២០២៦ ទីក្រុងតេហេរ៉ង់ បានផ្ញើសារគំរាមធ្ងន់ៗ ទៅប្រមុខសេតវិមាន ដូណាល់ ត្រាំ ថា បើអាមេរិក ហ៊ានប៉ះមេដឹកនាំកំពូលអ៊ីរ៉ង់ Ayatollah Ali Khamenei មែន គឺស្មើនឹងការប្រកាសសង្គ្រាមតែម្ដង!។
ប្រធានាធិបតីអ៊ីរ៉ង់ Masoud Pezeshkian បានបង្ហោះសារលើបណ្តាញសង្គម X ដោយប្រើពាក្យខ្លាំងៗថា៖ ប្រសិនបើមានការលំបាកនិងទុក្ខវេទនាសម្រាប់ជីវភាព រស់នៅរបស់ប្រជាជនអ៊ីរ៉ង់ ជាទីស្រឡាញ់នោះ មូលហេតុចម្បង។
គឺដោយសារតែអរិភាពដ៏រ៉ាំរ៉ៃ និងការដាក់ទណ្ឌកម្ម ប្រកបដោយភាពអមនុស្សធម៌ ពីសំណាក់រដ្ឋាភិបាលសហរដ្ឋអាមេរិក និងសម្ព័ន្ធមិត្តរបស់ពួកគេ។
រាល់ការប៉ះពាល់ណាមួយដល់ថ្នាក់ដឹកនាំកំពូលនៃប្រទេសយើង គឺស្មើនឹងការប្រកាសសង្គ្រាមពេញទំហឹងប្រឆាំងនឹងប្រជាជាតិអ៊ីរ៉ង់ទាំងមូលតែម្តង។
សំណេររបស់លោក Pezeshkian កើតឡើងត្រឹមមួយថ្ងៃប៉ុណ្ណោះ បន្ទាប់ពីអតីតឯកអគ្គរដ្ឋទូតអាមេរិក ប្រចាំអ៊ីស្រាអែល Dan Shapiro និយាយថា ប្រធានាធិបតី ត្រាំ ព្យាយាមធ្វើឃាតលោក Khamenei ឲ្យបានយ៉ាងឆាប់បំផុត៕