រថយន្តជាង១០០គ្រឿង បានបុកគ្នានិងរអិលចេញពីផ្លូវហាយវេនៅភាគខាងជើងរដ្ឋ Michiganរបស់សហរដ្ឋអាមេរិក ដោយសារព្យុះព្រិលធ្ងន់ធ្ងរ ដែលបង្កឱ្យស្ថានភាពធ្វើដំណើរមានគ្រោះថ្នាក់ខ្លាំង។
ប្រភពពីសារព័ត៌មានAL Jazeera នៅថ្ងៃទី២០ខែមករាឆ្នាំ២០២៦។
ប៉ូលីសរដ្ឋ Michigan បានបិទផ្លូវ I-196 នៅជិតទីក្រុង Grand Rapids ដើម្បីសម្អាតផ្លូវ និងដកយានយន្តចេញ។ មន្ត្រីបានបញ្ជាក់ថា មានអ្នករងរបួសជាច្រើន ប៉ុន្តែមិនមានអ្នកស្លាប់ត្រូវបានរាយការណ៍ឡើយ។
សេវាអាកាសធាតុជាតិសហរដ្ឋអាមេរិក បានព្រមានអំពីសីតុណ្ហភាពត្រជាក់ខ្លាំង និងព្យុះរដូវរងា នៅរដ្ឋជាច្រើន រួមមាន Minnesota, Wisconsin, Indiana, Ohio, Pennsylvania និង New York ខណៈសីតុណ្ហភាពអាចធ្លាក់ចុះដល់ -២២ អង្សាសេ។ អាជ្ញាធរបានអំពាវនាវឱ្យអ្នកបើកបរប្រុងប្រយ័ត្ន និងបន្ថយល្បឿនក្នុងអំឡុងពេលព្យុះនៅតែបន្ត៕