កាលពីថ្ងៃទី១៩ ខែមករា ឆ្នាំ២០២៦ មន្ត្រីអ៊ុយក្រែន និយាយថា រុស្ស៊ី បានបើកការវាយប្រហារ ដោយដ្រូនលើហេដ្ឋារចនាសម្ព័ន្ធថាមពល និងកាត់ផ្តាច់ចរន្តអគ្គិសនី នៅក្នុងតំបន់ចំនួន៥ ទូទាំងប្រទេស ខណៈសីតុណ្ហភាពត្រជាក់ខ្លាំង។ សារព័ត៌មាន Reuters។
កងទ័ពអាកាសអ៊ុយក្រែន បញ្ជាក់ថា រុស្ស៊ីបាញ់បង្ហោះដ្រូនសរុប១៤៥គ្រឿង ប៉ុន្តែប្រព័ន្ធការពារដែនអាកាស បាញ់ទម្លាក់ ១២៦គ្រឿង។
ទោះជាយ៉ាងណា ការវាយប្រហារនេះបានប៉ះពាល់ដល់តំបន់ Sumy, Odesa, Dnipropetrovsk, Kharkiv និង Chernihiv។
នៅតំបន់ Odesa ហេដ្ឋារចនាសម្ព័ន្ធថាមពល និងហ្គាសបានរងការខូចខាតយ៉ាងធ្ងន់ធ្ងរ ដែលបណ្តាលឱ្យគ្រួសារជាង ៣០,០០០ គ្មានភ្លើងប្រើប្រាស់។
លើសពីនេះ ទីក្រុង Kharkiv ក៏ត្រូវបានវាយប្រហារដោយមីស៊ីលផងដែរ។
នាយកប្រតិបត្តិក្រុមហ៊ុនថាមពល Yasno លោក សឺហ៊ី កូវ៉ាឡិនកូ (Serhii Kovalenko) បានរិៈគន់ថា គ្មានអគ្គិសនីប្រើប្រាស់ជាង១៦ម៉ោង ជារឿងដ៏អាក្រក់៕