ដាណឺម៉ាក បានបញ្ជូនកងទ័ពបន្ថែមទៀតទៅកាន់ Greenland ខណៈលោក ដូណាល់ ត្រាំ នៅតែបន្តគំរាមប្រើកម្លាំងយោធា ដើម្បីគ្រប់គ្រង ដែនកោះនៃតំបន់អាក់ទិកមួយនេះ!។
សារព័ត៌មាន Financial Times នៅថ្ងៃទី២០ ខែមករា ឆ្នាំ២០២៦!។
ក្នុងនោះយន្ដហោះជាច្រើនគ្រឿង មានដឹកកងទ័ពដាណឺម៉ាក និងបរិក្ខារយោធាបានទៅដល់ Greenland កាលពីថ្ងៃចន្ទម្សិលមិញ។
ភាពតានតឹងរវាងសហរដ្ឋអាមេរិក និងអឺរ៉ុប ជុំវិញបញ្ហា Greenland បានកើនឡើងកាន់តែខ្លាំងបន្ទាប់ពីលោក ដូណាល់ ត្រាំ គំរាមយកពន្ធគយបន្ថែម១០ភាគរយ ដែលនឹងចូលជាធរមាននៅខែកុម្ភៈខាងមុខ បណ្ដាអឺរ៉ុបចំនួន៨ ក្នុងនោះរួមមានអាល្លឺម៉ង់ បារាំង និងចក្រភពអង់គ្លេស។
ការគំរាមយកពន្ធនេះទៀតសោត កើតមានឡើងក្រោយក្រុមប្រទេសអឺរ៉ុបទាំងនេះបានចូលរួម ក្នុងសមយុទ្ធចម្រុះជាតិសាសន៍មួយដឹកនាំដោយកងទ័ពដាណឺម៉ាកនៅ Greenland កាលពីចុងសប្ដាហ៍កន្លងទៅ។
គួរបញ្ជាក់ថា យុទ្ធសាស្ត្រសម្លុតគំរាមរបស់លោក ត្រាំ កំពុងបង្កជាហានិភ័យផ្ទុះសង្រ្គាមពាណិជ្ជកម្មជាមួយអឺរ៉ុប និងកំពុងរុញច្រានទំនាក់ទំនងអន្តរអាត្លង់ទិក (NATO) ធ្លាក់ចូលទៅក្នុងវិបត្តិដ៏ជ្រៅមួយមិនធ្លាប់មានក្នុងពេលជាច្រើនទសវត្សរ៍មកនេះ។
ក្រុមមន្ត្រីអឺរ៉ុប អះអាងថា ប្រសិនបើសហរដ្ឋអាមេរិក ពិតជាដំឡើងពន្ធគយ បន្ថែមដូចការគំរាមពិតមែន នោះសហភាពអឺរ៉ុបទំនងជានឹងវាយបកវិញដោយដំឡើងពន្ធគយគិតជាទឹកប្រាក់ ៩៣ពាន់លានអឺរ៉ូលើទំនិញនាំចូលពីសហរដ្ឋអាមេរិក៕