(ស្វាយរៀង)៖ លោក ម៉ែន អេង អភិបាលរងខេត្ត និងជាអ្នកនាំពាក្យរដ្ឋបាលខេត្តស្វាយរៀង តំណាងលោក ប៉េង ពោធិ៍សា អភិបាលខេត្ត នៅព្រឹកថ្ងៃទី ២០ ខែមករាឆ្នាំ ២០២៦ បានធ្វើការស្នើដល់លោក លោកស្រី ចាងហ្វាងការផ្សាយកាសែតគេហទំព័រ និងភ្នាក់ងារសារព័ត៌មានទាំងអស់ប្រចាំខេត្តស្វាយរៀង ត្រូវប្រកាន់ខ្ជាប់នូវក្រមសីលធម៌ ប្រកបដោយវិជ្ជាជីវៈនិងយោគយល់ចំពោះគោលនយោបាយ របស់រាជរដ្ឋាភិបាល ក៏ដូចជាថ្នាក់ដឹកនាំ..!។
ម៉្យាងទៀតក្នុងនាមយើងជាអ្នកសារព័ត៌មាន ត្រូវជៀសវាងធ្វើការចោទប្រកាន់ចំពោះនរណាម្នាក់ ដោយពុំមានឯកសារ ភស្តុតាងច្បាស់លាស់នោះដែរដែលជាហេតុនាំឲ្យក្លាយទៅជាព័ត៌មានប្រាសចាកអំពី វិជ្ជាជីវ: អ្នកសារព័ត៌។
លោកអភិបាលរងខេត្ត បានមានប្រសាសន៍ដូច្នេះ ក្នុងឱកាសដែលលោកបានអញ្ជើញជាអធិបតី ក្នុងកិច្ចប្រជុំពិភាក្សាការងារចាំបាច់មួយចំនួន លើការផ្សព្វផ្សាយព័ត៌មាន ក្នុងភូមិសាស្ត្រខេត្តស្វាយរៀង ដោយមានការចូលរួមពីសំណាក់លោក លោកស្រី ចាងហ្វាងការផ្សាយកាសែតគេហទំព័រនិងភ្នាក់ងារសារព័ត៌មានទាំងអស់ប្រចាំនៅខេត្តស្វាយរៀង ជាច្រើនរូប..!។
លោក ម៉ែន អេង មានប្រសាសន៍ថា: ក្នុងនាមជាអ្នកសារព័ត៌ មានអាជីពប្រកបដោយក្រមសីលធម៌វិជ្ជាជីវៈ។
គឺមុននឹងផ្សាយព័ត៌មានរសើប ត្រូវព្យាយាមសួរមកមន្ត្រីឬស្ថាប័នអ្នកនាំពាក្យជាមុនសិនចៀសវាងផ្សព្វផ្សាយព័ត៌មានខុសពីការពិត។
ដែលជាហេតុធ្វើឲ្យមជ្ឈដ្ឋានទូទៅមានការភាន់ច្រឡំចំពោះការផ្សព្វផ្សាយព័ត៌មានទាំងនោះ។
ម៉្យាងទៀតអ្នកសារព័ត៌មានទាំងអស់ ត្រូវជួយសហការក្នុងការផ្ដល់ព័ត៌មានមកថ្នាក់ដឹកនាំឬស្ថាប័ន ដែលមានការពាក់ព័ន្ធជាមុនសិនដើម្បីមានវិធានការដោះស្រាយបញ្ហាប្រឈមនៅចំពោះមុខដើម្បីបម្រើឲ្យប្រយោជន៍ជាតិនិងសង្គមជាធំ។
លោកអភិបាលរងខេត្ត សង្កត់ធ្ងន់ថា ក្រោយកិច្ចប្រជុំនេះ លោកនឹងយកនូវយោបល់ ក៏ដូចជាសំណូមពរទាំងអស់របស់បងប្អូនអ្នកសារព័ត៌មាន នៅក្នុងខេត្តស្វាយរៀង ។
ដើម្បីយកទៅធ្វើការប្រជុំជាមួយថ្នាក់ដឹកនាំ ក៏ដូចជាស្ថាប័នពាក់ព័ន្ធដើម្បីធ្វើជាគន្លឹះដើម្បីដោះស្រាយ នាពេលខាងមុខព្រមទាំងនឹងស្នើឲ្យមានការជួបជុំជាមួយក្រុមអ្នកសារព័ត៌មាន ក្នុងមួយឆ្នាំយ៉ាងហោចណាស់ឲ្យបាន ពីរដងដើម្បីសួរជាសំណួរនិងផ្ដល់ជាចម្លើយជាមួយគ្នាឲ្យបានជិតស្និទ្ធច្បាស់លាស់ថែមមួយកម្រិតទៀត៕