ប្រធានាធិបតីសហរដ្ឋអាមេរិក Donald Trump បានលុបចោលការគំរាមកំហែងដាក់ពន្ធគយលើប្រទេសអឺរ៉ុបចំនួនប្រាំបី និងដកថយពីការទាមទារគ្រប់គ្រងកោះ Greenland បន្ទាប់ពីបានយល់ព្រមជាមួយអង្គការណាតូលើក្របខ័ណ្ឌកិច្ចព្រមព្រៀងសន្តិសុខអាកទិកនាពេលអនាគត។ ការប្រកាសនេះធ្វើឡើងក្រោយសុន្ទរកថារបស់លោកនៅវេទិកាសេដ្ឋកិច្ចពិភពលោក ដែលបានបង្កើនភាពតានតឹងភូមិសាស្ត្រនយោបាយ។
ប្រភពពីសារព័ត៌មានAP នៅថ្ងៃទី២២ខែមករា។
លោក Trump បានឱ្យដឹងថា ការពិភាក្សាបន្ថែមកំពុងបន្តពាក់ព័ន្ធនឹងកម្មវិធីការពារមីស៊ីល “Golden Dome” ដែលតម្លៃប្រហែល 175 ពាន់លានដុល្លារ និងតួនាទីសន្តិសុខនៅតំបន់អាកទិក។ ប្រភពអឺរ៉ុបមួយបានបង្ហាញថា មានការពិចារណាសហការជាមួយដាណឺម៉ាក និងសម្ព័ន្ធមិត្ត ដើម្បីសាងសង់មូលដ្ឋានយោធាអាមេរិកបន្ថែមលើ Greenland ប៉ុន្តែមិនទាន់បញ្ជាក់ច្បាស់ថាត្រូវបានរួមបញ្ចូលក្នុងក្របខ័ណ្ឌថ្មីឬអត់៕