កាលពីព្រឹកថ្ងៃទី ២១ ខែមករា ឆ្នាំ ២០២៦ កងទ័ពអ៊ីស្រាអែលបានបង្កើនការវាយប្រហារតាមអាកាសនៅភាគខាងត្បូងប្រទេសលីបង់ ដោយអះអាងថា បានសម្លាប់លោកAbu Ali Salameh ដែលខ្លួននិយាយថាជាមន្ត្រីទំនាក់ទំនងរបស់ក្រុម Hezbollah នៅភូមិ Yanouh។ ការវាយប្រហារនេះក៏បានកំណត់គោលដៅទៅលើតំបន់ Kafour, Jarjouaa, Qennarit និង Al-Zahrani ដែលបណ្តាលឱ្យមានអ្នកស្លាប់យ៉ាងហោចណាស់៣នាក់។
ប្រភពពីសារព័ត៌មានRoyanew។
យោធាអ៊ីស្រាអែលអះអាងថា សកម្មភាពយោធានេះជាការឆ្លើយតបទៅនឹងការរំលោភបទឈប់បាញ់ជាបន្តបន្ទាប់របស់ Hezbollah និងដើម្បីទប់ស្កាត់ការកសាងហេដ្ឋារចនាសម្ព័ន្ធយោធាឡើងវិញ។ ខណៈពេលដូចគ្នា ប្រទេសលីបង់បានបញ្ជាក់ថា ខ្លួនបានបញ្ចប់ដំណាក់កាលទីមួយនៃការរំសាយអាវុធ និងដាក់ការគ្រប់គ្រងតំបន់ភាគខាងត្បូងជាចម្បងទៅក្រោមរដ្ឋ។
ទោះជាយ៉ាងណា អ៊ីស្រាអែលបានច្រានចោលការរំសាយអាវុធនេះថាមិនគ្រប់គ្រាន់ ហើយនៅតែរក្សាវត្តមានយោធានៅប៉ុស្តិ៍យុទ្ធសាស្ត្រចំនួនប្រាំលើដីលីបង់៕