(កណ្តាល)៖ សាលាដំបូងខេត្តកណ្តាល នឹងបើកសវនាការជំនុំជម្រះក្ដីលើសំណុំរឿងព្រហ្មទណ្ឌលេខ ១៩០៨ អ.ក.ចុះថ្ងៃទី០៨ ខែសីហា ឆ្នាំ២០២៤។
*ដែលមានជនជាប់ចោទឈ្មោះ ហម សេរ៉ូម ភេទប្រុស អាយុ៥១ឆ្នាំ(ក្រៅឃុំ).!។
ជននេះត្រូវបានចោទប្រកាន់ពីបទ៖ បរិហាកេរ្តិ៍ជាសាធារណៈ ញុះញង់ឱ្យប្រព្រឹត្តបទឧក្រិដ្ឋជាអាទិ៍ ក្លែងបន្លំ និងប្រើប្រាស់លិខិតក្លែង ប្រព្រឹត្តនៅភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល ចាប់ពីដើមខែមករា ដល់ខែកក្កដា ឆ្នាំ២០២៤ បទល្មើសដែលមានបញ្ញត្តិឱ្យ ផ្តន្ទាទោសតាមមាត្រា ៣០៥, មាត្រា ៤៩៤, មាត្រា ៤៩៥, មាត្រា ៦២៦, មាត្រា ៦២៧ និងមាត្រា ៦១៨ នៃ ក្រមព្រហ្មទណ្ឌ..!។
*រីឯជនរងគ្រោះជាដើមបណ្ដឹងឈ្មោះ ឆុង ស្រីណែត ភេទស្រីអាយុ៤០ឆ្នាំ នៅភូមិពោធិ៍លើ ឃុំត្រើយស្លា ស្រុកស្អាង ខេត្តកណ្តាល។
*តាមរយៈសារព័ត៌មាន”ដើមរាំង”ជនរងគ្រោះ ឆុង ស្រីណែត សុំស្នើយ៉ាងទទូចដល់លោក សោ សុតា ចៅក្រមជំនុំជម្រះនៃសាលាដំបូងខេត្តកណ្តាល មេត្តាផ្តន្ទាទោសជនជាប់ចោទឈ្មោះ ហម សេរ៉ូម ឱ្យបានធ្ងន់ធ្ងរបំផុត នឹងចាប់ឃុំខ្លួនជននេះដើម្បីបញ្ចប់បទល្មើស ដែលតែងតែបង្កឡើងគ្មានឈប់ឈរ..!។
ជនរងគ្រោះបញ្ជាក់ថា ជនជាប់ចោទឈ្មោះ ហម សេរ៉ូម តែងតែគំរាមកំហែងនិងប្តឹងជនរងគ្រោះដោយគ្មានការពិតម្តងហើយម្តងទៀត ធ្វើឱ្យជនរងគ្រោះមានការភ័យខ្លាចជាខ្លាំង ដល់ថ្នាក់គេងមិនលក់ និងបារម្ភពីសុវត្ថិភាពផ្ទាល់ខ្លួនទៀតផង..!។
*ទាក់ទិនរឿងនេះកាលពីកន្លងទៅជនរងគ្រោះឈ្មោះ ឆុង ស្រីណែត ធ្លាប់ធ្វើការ Live ព័ត៌មានតាមបណ្តាញសង្គមហ្វេសប៊ុក ដោយទាមទារឱ្យសាលាដំបូងខេត្តកណ្តាល ជួយរកយុត្តិធម៌ឱ្យខ្លួន ស្របពេលដែលចៅក្រមស៊ើបសួរនៃសាលាដំបូងខេត្តកណ្ដាល ពុំបានចាប់និងឃុំខ្លួនជនជាប់ចោទឈ្មោះ ហម សេរ៉ូម នោះឡើយ។
បណ្ដាលឱ្យជនរងគ្រោះ សម្ដែងការព្រួយបារម្ភខ្លាច ចៅក្រមជំនុំជម្រះនៃសាលាដំបូងខេត្តកណ្តាល មិនចាប់ឃុំខ្លួនឈ្មោះ ហម សេរ៉ូម ដូចដែលចៅក្រមស៊ើបសួរធ្វើនីតិវិធីកាលពីកន្លងទៅ៕
