ប្រធានាធិបតីទួរគី លោក Recep Tayyip Erdogan និងប្រធានាធិបតីអេហ្ស៊ីប លោក Abdel Fattah El-Sisi បានថ្កោលទោសការរំលោភលើបទឈប់បាញ់នៅតំបន់ហ្គាហ្សា និងបង្ហាញការព្រួយបារម្ភយ៉ាងខ្លាំងចំពោះសោកនាដកម្មមនុស្សធម៌ដែលកំពុងបន្តកើតមាន ខណៈអ៊ីស្រាអែលបន្តការវាយប្រហារថ្មីៗ។
ប្រភពពីសារព័ត៌មានAl Jazeera នៅថ្ងៃទី៥ខែកុម្ភៈ។
ថ្លែងក្នុងសន្និសីទសារព័ត៌មានរួមគ្នា បន្ទាប់ពីកិច្ចប្រជុំនៅទីក្រុងគែរ លោក Erdogan បាននិយាយថា បញ្ហាប៉ាឡេស្ទីន និងហ្គាហ្សា គឺស្ថិតនៅលើរបៀបវារៈសំខាន់របស់មេដឹកនាំទាំងពីរ ហើយបានអំពាវនាវឲ្យអនុវត្តពេញលេញផែនការដែលគាំទ្រដោយសហរដ្ឋអាមេរិក ដើម្បីបញ្ចប់សង្គ្រាមយូរឆ្នាំនៅតំបន់នេះ។
ក្នុងវិស័យសេដ្ឋកិច្ច ទួរគី និងអេហ្ស៊ីប បានចុះហត្ថលេខាលើកិច្ចព្រមព្រៀងទ្វេភាគីជាច្រើន និងបានបញ្ជាក់គោលដៅបង្កើនទំហំពាណិជ្ជកម្មទ្វេភាគីឲ្យឈានដល់ 15 ពាន់លានដុល្លារ ក្នុងពេលអនាគត៕