រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយនៅថ្ងៃទី៩ ខែសីហា ថា អ៊ីរ៉ង់ និងសហរដ្ឋអាមេរិក មិនទាន់មានការចរចាផ្ទាល់គ្នាទេ ប៉ុន្តែកំពុងផ្ញើសារទៅមកតាមរយៈប្រទេសជាអ្នកសម្របសម្រួល។
ប្រភពពីសារព័ត៌មានAnadolu Agency នៅថ្ងៃទី៩ខែសីហា។
លោក Araghchi បានបញ្ជាក់ថា អ៊ីរ៉ង់នឹងមិនចាប់ផ្តើមការចរចាឡើងវិញទេ រហូតដល់អាមេរិកបញ្ឈប់ការរំលោភលើកិច្ចព្រមព្រៀង និងផ្តល់សំណងចំពោះការខូចខាតដែលអ៊ីរ៉ង់អះអាងថាបានកើតឡើង។
ជាមួយគ្នានេះ អ៊ីរ៉ង់ និងអូម៉ង់កំពុងចរចាអំពីការបង្កើតផ្លូវសមុទ្រថ្មីសម្រាប់នាវាឆ្លងកាត់ច្រក Hormuz ហើយការចរចានេះបានឈានដល់ដំណាក់កាលចុងក្រោយ។ ប៉ុន្តែអ៊ីរ៉ង់បញ្ជាក់ថា ការចរចាជាមួយអូម៉ង់មិនមានន័យថា Hormuz នឹងបើកភ្លាមៗទេ ព្រោះការបើកច្រកនេះនៅតែអាស្រ័យលើលក្ខខណ្ឌជាច្រើន៕
