នៅថ្ងៃទី៧ ខែកុម្ភៈ ឆ្នាំ២០២៦ រដ្ឋមន្ត្រីការបរទេសអ៊ីរ៉ង់ លោក Abbas Araghchi បានអះអាងថាបញ្ហាប៉ាឡេស្ទីនបង្ហាញថា ពិភពលោក និងប្រទេសនៅមជ្ឈិមបូព៌ា ឈរខាងយុត្តិធម៌-សិទ្ធិមនុស្ស ឬឈរខាងអំណាច។
ប្រភពពីសារព័ត៌មានAl Jazeera។
លោក Araghchi បានរិះគន់យ៉ាងខ្លាំងចំពោះអំពើហិង្សារបស់អ៊ីស្រាអែលនៅតំបន់ហ្គាហ្សា ដោយនិយាយថា ការវាយប្រហារទៅលើជនស៊ីវិល មន្ទីរពេទ្យ និងការប្រើការអត់ឃ្លានជាអាវុធ គឺជាការបរាជ័យសីលធម៌របស់សហគមន៍អន្តរជាតិ។ លោកបានសង្កត់ធ្ងន់ថា ជីវិតកុមារមិនអាចក្លាយជាឧបករណ៍ចរចា ហើយការសម្លាប់គ្រួសារមិនអាចត្រូវបានហៅថាជាការការពារខ្លួនឡើយ។
នៅពេលដដែល ស្ថានភាពមនុស្សធម៌នៅហ្គាហ្សាកាន់តែអាក្រក់ឡើង ទោះបីមានបទឈប់បាញ់ក៏ដោយ។ ប្រជាជនប៉ាឡេស្ទីនប្រឈមនឹងវិបត្តិទឹកស្អាត និងអនាម័យធ្ងន់ធ្ងរ ដោយត្រូវចំណាយម៉ោងជាច្រើនក្នុងមួយថ្ងៃ ដើម្បីទទួលបានទឹកបរិភោគ និងអាហារពីអង្គការសប្បុរសធម៌៕