ប្រជាជនជប៉ុននឹងទៅបោះឆ្នោតនៅថ្ងៃទី ៨ ខែកុម្ភៈ ឆ្នាំ ២០២៦ សម្រាប់ការបោះឆ្នោតមុនកាលកំណត់ ដើម្បីជ្រើសរើសអាសនៈទាំង ៤៦៥ ក្នុងសភាតំណាងរាស្ត្រ។ ការបោះឆ្នោតនេះត្រូវបានរៀបចំឡើងដោយនាយករដ្ឋមន្ត្រី Sanae Takaichi ដែលបានឡើងកាន់តំណែងកាលពីខែតុលាឆ្នាំមុន និងក្លាយជានាយករដ្ឋមន្ត្រីស្ត្រីដំបូងគេរបស់ប្រទេសជប៉ុន។
ប្រភពពីសារព័ត៌មានAl Jazeera នៅថ្ងៃទី៧ខែកុម្ភៈ។
លោកស្រី Takaichi និងគណបក្សប្រជាធិបតេយ្យសេរី (LDP) ដែលកំពុងកាន់អំណាច សង្ឃឹមថាប្រជាប្រិយភាពបច្ចុប្បន្ន នឹងជួយឲ្យគណបក្សទទួលបានអាសនៈបន្ថែមនៅក្នុងសភាជាន់ទាប។ ក្រៅពី LDP ការបោះឆ្នោតលើកនេះមានបេក្ខជនជាង ១,២០០ នាក់ មកពីគណបក្សនានា រួមមានគណបក្សប្រឆាំង និងគណបក្សតូចៗជាច្រើន។ អ្នកបោះឆ្នោតដែលបានចុះឈ្មោះមានប្រហែល ១០៥ លាននាក់ ហើយមានជាង ៤.៥ លាននាក់បានបោះឆ្នោតមុនកាលកំណត់រួចហើយ៕