នៅថ្ងៃទី១០ខែកុម្ភៈឆ្នាំ២០២៦ សង្រ្គាមរវាងរុស្ស៊ី និងអ៊ុយក្រែន បានឈានដល់ថ្ងៃទី ១,៤៤៧ដោយស្ថានការណ៍នៅតែមិនស្ងប់ស្ងាត់ឡើយ។ កងទ័ពទាំងពីរបន្តប្រយុទ្ធគ្នាដោយប្រើអាវុធធ្ងន់ និងការវាយប្រហារតាមអាកាសក្នុងតំបន់ជួរមុខ។
ប្រភពពីសារព័ត៌មានAl Jazeera។
អភិបាលតំបន់ Belgorod របស់រុស្ស៊ី បានរាយការណ៍ថា ការបាញ់ផ្លោងពីអ៊ុយក្រែន បានបណ្តាលឲ្យមនុស្ស៨នាក់ស្លាប់។ ខណៈប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រកាសថា កងកម្លាំងរបស់គាត់បានដណ្តើមយកទឹកដីអ៊ុយក្រែនប្រមាណ ៥,០០០ គីឡូម៉ែត្រការ៉េ។
ក្រសួងការពារជាតិរុស្ស៊ី បានប្រកាសថា កងទ័ពរបស់ខ្លួនបានដណ្តើមយកភូមិ Novovasylivka នៅតំបន់ Zaporizhia និងភូមិ Fedorivka នៅតំបន់ Donetsk។ នៅពេលតែមួយ ទីភ្នាក់ងារសារព័ត៌មានរដ្ឋ RIA Novosti បាននិយាយថា អង្គភាពការពារដែនអាកាសរបស់រុស្ស៊ី បានបំផ្លាញដ្រូនអ៊ុយក្រែនចំនួន ១៨៤ គ្រឿងក្នុងការវាយប្រហារថ្មីៗនេះ។
លោក Sergei Sobyanin អភិបាលក្រុងមូស្គូ ក៏បានបញ្ជាក់ថាដ្រូនមួយចំនួន ត្រូវបានស្ទាក់ចាប់ និងបំផ្លាញ ខណៈពួកវាកំពុងហោះឆ្ពោះទៅទីក្រុងរដ្ឋធានី៕