កាលពីថ្ងៃព្រហស្បតិ៍ កងកម្លាំងអ៊ីស្រាអែលបានបន្តធ្វើប្រតិបត្តិការវាយឆ្មក់ចូលទៅក្នុងតំបន់ជនបទ Quneitra Governorate ភាគខាងត្បូងនៃប្រទេសស៊ីរី។
ប្រភពពីសារព័ត៌មានAnadolu Agencyនៅថ្ងៃទី១៣ខែកុម្ភៈ។
យោងតាម Syrian Arab News Agency (SANA) រថយន្តល្បាតអ៊ីស្រាអែលចំនួនបីគ្រឿងបានចូលទៅក្នុងភូមិបង្កើតប៉ុស្តិ៍ត្រួតពិនិត្យនៅច្រកចូលខាងលិច និងស្វែងរកជនស៊ីវិល ដែលធ្វើឱ្យមានការរំខានដល់ចលនារបស់ប្រជាពលរដ្ឋមួយរយៈមុននឹងចាកចេញពីតំបន់។
ហេតុការណ៍នេះកើតឡើងបន្ទាប់ពីមានការវាយឆ្មក់មួយទៀតទៅលើភូមិ Ofaniya កាលពីល្ងាចថ្ងៃពុធ ព្រមទាំងការបាញ់គ្រាប់កាំភ្លើងធំទៅកាន់តំបន់ Tal al-Ahmar Ain al-Nouriya នៅភាគខាងជើង Quneitra។
សូមបញ្ជាក់ថា៖ ប្រភពព័ត៌មានក្នុងស្រុកបានអះអាងថា កងកម្លាំងអ៊ីស្រាអែលបានធ្វើប្រតិបត្តិការជាញឹកញាប់ចូលទៅក្នុងតំបន់ជនបទ Quneitra ក្នុងរយៈពេលចុងក្រោយ ដោយរួមមានការឃុំខ្លួនជនស៊ីវិល បង្កើតប៉ុស្តិ៍ត្រួតពិនិត្យ និងបំផ្លាញដីស្រែចម្ការ៕