(ភ្នំពេញ)៖ ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី១៤ ខែកុម្ភៈ ឆ្នាំ២០២៦ បានចេញព្រះរាជក្រឹត្យត្រាស់បង្គាប់ផ្តល់គោរមងារ«ឧកញ៉ា»ដល់លោកស្រី សុខ រស្មី ម្ចាស់ក្រុមហ៊ុនសារ៉ាយសមុទ្រស៊ីប៊ែលប៉ារីស។
សូមជម្រាបថា លោកស្រី សុខ រស្មី ជាកូនរបស់ អ្នកឧកញ៉ា អ៊ូ ឆាយ និងលោកជំទាវ សុខ វាសនា និងជាភរិយារបស់ ឧកញ៉ា ឡោក ដារិទ្ធ អគ្គនាយកក្រុមហ៊ុនសារ៉ាយសមុទ្រ ស៊ីប៊ែលប៉ារីស និងជាសមាជិកសមាគមឧកញ៉ាកម្ពុជា។ លោកស្រី ក៏ជាសមាជិកក្រុមប្រឹក្សាភិបាលសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC)៕