កាលពីថ្ងៃទី២០ ខែកុម្ភៈ ឆ្នាំ២០២៦ យោធាអាមេរិក បានបើកការវាយប្រហារលើទូកមួយគ្រឿង សង្ស័យដឹកគ្រឿងញៀន នៅតំបន់ប៉ាស៊ីហ្វិកភាគខាងកើត បណ្ដាលឱ្យស្លាប់៣នាក់ទៀត។ សារព័ត៌មាន Reuters។
លោក ដូណាល់ ត្រាំ បានលើកឡើងពីជោគជ័យរបស់ខ្លួន ក្នុងការកម្ទេចទូកសង្ស័យរត់ពន្ធគ្រឿងញៀនទាំងនៅក្នុងតំបន់សមុទ្រ Caribbean និងតំបន់ប៉ាស៊ីហ្វិកភាគខាងកើត ចាប់តាំងពីខែកញ្ញា ឆ្នាំ២០២៥។
ក្នុងការបង្ហោះលើបណ្ដាញទំនាក់ទំនងសង្គម X យោធាអាមេរិក បានគូសបញ្ជាក់ដូច្នេះថា ទូកដែលត្រូវបានវាយប្រហារ គឺបានចូលរួមក្នុងសកម្មភាពរត់ពន្ធ គ្រឿងញៀន។
អាមេរិក បានបើកយុទ្ធនាការវាយប្រហារលើទូកសង្ស័យដឹកគ្រឿងញៀនចាប់តាំងពីខែកញ្ញា ឆ្នាំ២០២៥ ដោយគិតមកទល់នឹងពេលនេះ មានមនុស្សជិត ១៥០នាក់ ត្រូវបានសម្លាប់៕