កាលពីថ្ងៃទី 23 ខែកុម្ភៈ ឆ្នាំ2026 សហភាពអឺរ៉ុប បានប្រកាសដាក់ទណ្ឌកម្មលើមន្ត្រីរុស្ស៊ីថ្មីចំនួន8 នាក់ ដែលត្រូវបានចោទប្រកាន់ថាពាក់ព័ន្ធនឹងការរំលោភសិទ្ធិមនុស្សធ្ងន់ធ្ងរ ខណៈហុងគ្រីរារាំងមូលនិធិជំនួយអ៊ុយក្រែន។
ប្រភពពីសារព័ត៌មានAl Jazeera។
ក្រុមប្រឹក្សាអឺរ៉ុបបានបញ្ជាក់ថា បុគ្គលដែលត្រូវទណ្ឌកម្មជាសមាជិកប្រព័ន្ធតុលាការ និងមន្ត្រីពន្ធនាគាររបស់រុស្ស៊ីដែលពាក់ព័ន្ធនឹងការកាត់ទោសសកម្មជននយោបាយ និងការឃុំខ្លួនក្នុងលក្ខខណ្ឌអមនុស្សធម៌។ ក្រោមវិធានការនេះ ពួកគេត្រូវបានហាមធ្វើដំណើរទៅសហភាពអឺរ៉ុប បង្កកទ្រព្យសម្បត្តិ និងហាមឃាត់ការទទួលមូលនិធិពីពលរដ្ឋ និងក្រុមហ៊ុនក្នុង EU។
ទោះយ៉ាងណា កញ្ចប់ទណ្ឌកម្មលើកទី 20 និងប្រាក់កម្ចីដ៏សំខាន់សម្រាប់អ៊ុយក្រែនត្រូវបានរារាំងដោយហុងគ្រី ដែលត្រូវការការយល់ព្រមជាឯកច្ឆ័ន្ទពីសមាជិកទាំងអស់៕