នៅថ្ងៃទី៣ ខែមីនា ឆ្នាំ២០២៦ នាយករដ្ឋមន្ត្រីជប៉ុន Sanae Takaichi បានប្រកាសថាលោកស្រីមានគម្រោងពិភាក្សាដអំពីបញ្ហាអ៊ីរ៉ង់ ជាមួយប្រធានាធិបតីអាមេរិក Donald Trump នៅទីក្រុងវ៉ាស៊ីនតោននៅចុងខែនេះ។
ប្រភពពីសារព័ត៌មានBloomberg។
លោកស្រី Takaichi បានថ្លែងក្នុងសភាថា ជប៉ុនកំពុងដើរលើខ្សែបន្ទាត់ប្រុងប្រយ័ត្ន ដើម្បីធ្វើតុល្យភាពរវាងទំនាក់ទំនងសន្តិសុខជាមួយ សហរដ្ឋអាមេរិក និងតួនាទីរបស់ខ្លួនជាអតិថិជនថាមពលសំខាន់ពីតំបន់មជ្ឈិមបូព៌ា។ លោកស្រីបញ្ជាក់ថា មិនទាន់អាចវាយតម្លៃផ្នែកច្បាប់អំពីភាពស្របច្បាប់នៃការវាយប្រហាររួមរវាងអាមេរិក និង អ៊ីស្រាអែល លើអ៊ីរ៉ង់បាននៅឡើយទេ។
នៅពេលតានតឹងកើនឡើង និងទីក្រុងតេអេរ៉ង់គំរាមបិទច្រកសមុទ្រ Hormuz ដែលជាចំណុចសំខាន់សម្រាប់ការដឹកជញ្ជូនប្រេង ទីក្រុងតូក្យូកាន់តែប្រុងប្រយ័ត្ន។ តាមក្រសួងសេដ្ឋកិច្ចជប៉ុន ប្រទេសនេះពឹងផ្អែកលើប្រេងពីមជ្ឈិមបូព៌ាជាង ៩០% ហើយភាគច្រើនឆ្លងកាត់ច្រកសមុទ្រនោះ៕