ប្រធានាធិបតីសហរដ្ឋអាមេរិក Donald Trump បានអះអាងថា កម្លាំងយោធារបស់អ៊ីរ៉ង់កំពុងត្រូវបានបំផ្លាញយ៉ាងខ្លាំងដោយការវាយប្រហាររបស់សហរដ្ឋអាមេរិក និងសម្ព័ន្ធមិត្ត។ លោកបាននិយាយថា កងទ័ពអាកាស និងប្រព័ន្ធការពារអាកាសរបស់អ៊ីរ៉ង់បានបាត់បង់សមត្ថភាពហើយប្រទេសនេះកំពុងត្រូវបានកម្ទេចក្នុងល្បឿនលឿនជាងដែលបានគ្រោងទុក។
ប្រភពពីសារព័ត៌មានAl Jazeera នៅថ្ងៃទី៦ខែមីនា។
ការប្រកាសនេះកើតឡើង ខណៈការវាយប្រហារនៅតំបន់មជ្ឈិមបូព៌ាកំពុងបន្តកើនឡើង។ កាលពីថ្ងៃទី៥ ខែមីនា ឆ្នាំ២០២៦ អ៊ីស្រាអែល បានធ្វើការវាយប្រហារតាមអាកាសលើទីក្រុង Tehran ខណៈអ៊ីរ៉ង់បានវាយប្រហារលើក្រុមឧទ្ទាមជនជាតិឃឺដនៅក្នុង Iraq។
ក្នុងពេលដូចគ្នា លោក Ali Larijani លេខាធិការក្រុមប្រឹក្សាសន្តិសុខជាតិជាន់ខ្ពស់របស់អ៊ីរ៉ង់ បានព្រមានថា កងកម្លាំងអ៊ីរ៉ង់កំពុងត្រៀមខ្លួនរួចជាស្រេច ប្រសិនបើមានការឈ្លានពានដីគោកពីសហរដ្ឋអាមេរិក។ លោកបាននិយាយថា អ៊ីរ៉ង់នឹងតបតយ៉ាងខ្លាំង និងអាចចាប់ឬសម្លាប់ទាហានអាមេរិក៕