សង្គ្រាមរវាងអាមេរិកនិងអ៊ីស្រាអែល ប្រឆាំងអ៊ីរ៉ង់ កំពុងបង្កការព្រួយបារម្ភយ៉ាងខ្លាំងចំពោះសេដ្ឋកិច្ចពិភពលោក។ មូលហេតុសំខាន់គឺការកើនឡើងនៃតម្លៃថាមពល ដែលអាចធ្វើឱ្យតម្លៃទំនិញប្រចាំថ្ងៃឡើងខ្ពស់ និងបង្កអតិផរណា។
ប្រភពពីសារព័ត៌មានAl Jazeera នៅថ្ងៃទី៧ខែមីនា។
ជម្លោះនេះក៏ប៉ះពាល់ដល់ការផ្គត់ផ្គង់ប្រេងពិភពលោកផងដែរ ព្រោះ ច្រកសមុទ្រ Hormuz ដែលជាផ្លូវដឹកជញ្ជូនប្រេងសំខាន់ ត្រូវបានរំខាន។ ការវាយប្រហារលើរោងចក្រថាមពលនៅ កាតា និង អារ៉ាប៊ីសាអូឌីត ក៏ធ្វើឱ្យការផ្គត់ផ្គង់ថាមពលកាន់តែខ្សោយ។
បើតម្លៃថាមពលបន្តកើនឡើង ធនាគារកណ្តាលនៅប្រទេសនានាអាចដំឡើងអត្រាការប្រាក់ ដើម្បីគ្រប់គ្រងអតិផរណា។ វាអាចធ្វើឱ្យការចំណាយរបស់ប្រជាជនថយចុះ និងប៉ះពាល់ដល់កំណើនសេដ្ឋកិច្ចពិភពលោក៕