សហរដ្ឋអាមេរិក បានបាញ់មីស៊ីលវាយប្រហារលើនាវាចម្បាំងរបស់អ៊ីរ៉ង់ ឈ្មោះ IRIS Dena នៅក្នុងដែនទឹកអន្តរជាតិជិតឆ្នេរសមុទ្រស្រីលង្កា បណ្ដាលឱ្យនាវិកប្រហែល100 នាក់បានស្លាប់។
ប្រភពពីសារព័ត៌មានBloomberg នៅថ្ងៃទី៧ ខែមីនា។
នាវាចម្បាំងនេះ កំពុងធ្វើដំណើរត្រឡប់ទៅប្រទេសវិញ បន្ទាប់ពីបានចូលរួមសមយុទ្ធកងនាវាអន្តរជាតិ ដែលរៀបចំដោយ ឥណ្ឌា ជាមួយប្រទេសជាង 40 ប្រទេសផ្សេងទៀត។
ហេតុការណ៍នេះ ត្រូវបានមើលថា ជាការកើនឡើងនៃភាពតានតឹង ក្នុងសង្គ្រាមនៅមជ្ឈិមបូព៌ា ព្រោះការវាយប្រហារនេះបានកើតឡើងឆ្ងាយពីតំបន់សង្គ្រាមប្រហែល 3,000 គីឡូម៉ែត្រ៕