យ៉ាងហោចណាស់មនុស្ស៤១នាក់បានស្លាប់ និងជាង៤០ នាក់រងរបួស បន្ទាប់ពីការវាយប្រហារតាមអាកាស និងដីគោករបស់អ៊ីស្រាអែល លើទីក្រុង Nabi Chit ក្នុងជ្រលងភ្នំ Bekaa Valley នៃប្រទេសលីបង់។
ប្រភពពីសារព័ត៌មានAl Jazeera នៅថ្ងៃទី៧ខែមីនា។
ការវាយប្រហារនេះកើតឡើងបន្ទាប់ពីក្រុមប្រដាប់អាវុធហេសបូឡាដែលមានទំនាក់ទំនងជាមួយ អ៊ីរ៉ង់ បានបាញ់មីស៊ីលទៅលើអ៊ីស្រាអែល ដើម្បីសងសឹកការសម្លាប់មេដឹកនាំអ៊ីរ៉ង់ Ali Khamenei។
យោងតាមអាជ្ញាធរលីបង់ កងកម្លាំងពិសេសអ៊ីស្រាអែលបានជ្រៀតចូលតំបន់ក្នុងពេលយប់ ប៉ុន្តែត្រូវបានអ្នកការពារខាងក្នុងតំបន់ប្រទះឃើញ បណ្តាលឱ្យមានការប៉ះទង្គិច។ បន្ទាប់មកយន្តហោះចម្បាំង និងឧទ្ធម្ភាគចក្រអ៊ីស្រាអែលបានធ្វើការវាយប្រហារជាច្រើនដង។
ស្ថានការណ៍នេះបង្ហាញថា ជម្លោះនៅមជ្ឈិមបូព៌ាកំពុងកាន់តែធ្ងន់ធ្ងរ និងពង្រីកទៅកាន់ប្រទេសជិតខាង ដូចជាលីបង់ផងដែរ៕