ប្រភពសន្តិសុខជាន់ខ្ពស់របស់លីបង់ បានប្រាប់ថាជនជាតិអ៊ីរ៉ង់ជាង150នាក់ ក្នុងនោះរួមមានអ្នកការទូតនិងសមាជិកគ្រួសាររបស់ពួកគេ បានចាកចេញពីប្រទេសលីបង់កាលពីថ្ងៃសៅរ៍។
ប្រភពពីសារព័ត៌មានReuterនៅថ្ងៃទី៨ខែមីនា។
ការចាកចេញនេះកើតឡើងបន្ទាប់ពី អ៊ីស្រាអែលបានវាយប្រហារនៅជិតស្ថានទូតអ៊ីរ៉ង់ នៅទីក្រុងបេរូត និងបានព្រមានដល់តំណាងអ៊ីរ៉ង់នៅក្នុងប្រទេសនេះ។ ស្ថានការណ៍សន្តិសុខនៅលីបង់កំពុងតែតានតឹងខ្លាំង ខណៈការប៉ះទង្គិចរវាងអ៊ីស្រាអែល និងក្រុម Hezbollah កំពុងកើនឡើង។
ប្រភពបានបញ្ជាក់ថា ការផ្លាស់ទីរបស់អ្នកការទូតអ៊ីរ៉ង់គឺជាវិធានការសុវត្ថិភាព ក្នុងពេលដែលជម្លោះក្នុងតំបន់មជ្ឈិមបូព៌ាកំពុងតែពង្រីក បន្ទាប់ពីការប្រឈមមុខរវាងអ៊ីរ៉ង់ សហរដ្ឋអាមេរិក និងអ៊ីស្រាអែល៕