ការផ្ទុះខ្លាំងមួយបានធ្វើឱ្យរង្គើស្ថានទូតសហរដ្ឋអាមេរិកនៅប្រចាំប្រទេសន័រវេសក្នុងទីក្រុងអូស្លូ កាលពីវេលាម៉ោងប្រហែល 1 ព្រឹកថ្ងៃអាទិត្យ។ ការផ្ទុះនេះបានប៉ះពាល់ដល់ច្រកចូលផ្នែកកុងស៊ុល និងបណ្តាលឱ្យមានការខូចខាតតិចតួច។
ប្រភពពីសារព័ត៌មានNews York Post នៅថ្ងៃទី៨ខែមីនា។
ប៉ូលីសន័រវេសបានបញ្ជាក់ថា មិនមានអ្នកស្លាប់ ឬអ្នករងរបួសនោះទេ។ មេបញ្ជាការប៉ូលីស Michael Delmer បាននិយាយថា ប៉ូលីសបានទទួលរបាយការណ៍ជាច្រើនអំពីសម្លេងផ្ទុះ ហើយកំពុងធ្វើការស៊ើបអង្កេតពីមូលហេតុនៃហេតុការណ៍នេះ។
ហេតុការណ៍នេះកើតឡើងក្នុងពេលដែលមានការគំរាមកំហែងសងសឹកពីអ៊ីរ៉ង់ ខណៈប្រតិបត្តិការយោធា “Epic Fury” របស់សហរដ្ឋអាមេរិកកំពុងបន្តនៅតំបន់មជ្ឈិមបូព៌ា៕