លោក ដូណាល់ ត្រាំ ប្រធានាធិបតីអាមេរិក និយាយថា រូបលោកមិនមានចំណាប់អារម្មណ៍ចរចា ជាមួយអ៊ីរ៉ង់នោះទេ។
លុះត្រាតែនៅពេលទីក្រុងតេហរ៉ង់ លែងមានយោធាប្រយុទ្ធតដៃ ឬលែងនៅសេសសល់មេដឹកនាំណាម្នាក់។
ព័ត៌មាន Reuters នាថ្ងៃទី៨ ខែមីនា ឆ្នាំ២០២៦។
ថ្លែងប្រាប់សារព័ត៌មាន នៅលើយន្តហោះ Air Force One នាថ្ងៃសៅរ៍ លោក ត្រាំ បានលើកឡើងថា ប្រតិបត្តិការវាយប្រហារតាមអាកាស ដែលកំពុងបន្តយ៉ាងក្តៅគគុក។
អាចនឹងធ្វើឱ្យការចរចាលែងជារឿងចាំបាច់ ប្រសិនបើបេក្ខភាព មេដឹកនាំអ៊ីរ៉ង់ទាំងអស់ត្រូវបានសម្លាប់ ហើយយោធាអ៊ីរ៉ង់ត្រូវបានកម្ទេច។
លោក ត្រាំ បើសង្រ្គាមនៅតែបន្តបែបនេះ លោកមិនយល់ថា អ៊ីរ៉ង់នឹងនៅសល់អ្នកដែលអាចនិយាយពាក្យសុំចុះចាញ់ឡើយ។
សង្រ្គាមនៅមជ្ឈិមបូព៌ា បានផ្ទុះឡើង កាលពីថ្ងៃទី២៨ ខែកុម្ភៈ នៅពេលដែលសហរដ្ឋអាមេរិកនិងអ៊ីស្រាអែល បានបើកការវាយប្រហារទ្រង់ទ្រាយធំលើប្រទេសអ៊ីរ៉ង់ ។
បន្ទាប់មកអ៊ីរ៉ង់ បានសងសឹកវិញ ដោយវាយប្រហារលើគោលដៅអាមេរិកនិងអ៊ីស្រាអែល នៅទូទាំងតំបន់។
នៅថ្ងៃអាទិត្យនេះ កងកម្លាំងឆ្មាំបដិវត្តន៍អ៊ីរ៉ង់ ប្រកាសថា ប្រទេសអ៊ីរ៉ង់ អាចធ្វើសង្រ្គាមជាមួយអាមេរិកនិងអ៊ីស្រាអែល រយៈពេលយ៉ាងហោច៦ខែ៕